၂၀၂၁ ခုနှစ်က မြန်မာ့စီးပွားရေး တိုးတက်မှုအခြေအနေအညွှန်းကိန်းက -18 ရှိမယ်လို ကမ္ဘာ့ဘဏ်က ခန့်မှန်းထားခဲ့ပြီး ဒီနှစ်ကစ မခန့်မှန်းတော့ဘူးလို့ ကမ္ဘာ့ဘဏ်ရဲ့ စီးပွားရေးဆိုင်ရာ အညွှန်းကိန်းဇယားမှာ ဖော်ပြထားပါတယ်။
အာဆီယံနိုင်ငံများအတွင်း ၂၀၂၂ခုနှစ်အတွင်း စီးပွားရေးတိုးတက်မှုများတယ်လို့ ဆိုထားပေမယ့် မြန်မာနိုင်ငံအတွက် ၂၀၂၂ခုနှစ်စတင်ပြီး စီးပွားရေးအခြေအနေများကိုခန့်မှန်းနိုင်စွမ်းမရှိတော့ခြင်းဖြစ်ကြောင်း ကမ္ဘာ့ဘဏ်ကဖော်ပြတာလည်းဖြစ်ပါတယ်။
ဒီအခြေအနေနဲ့ပတ်သက်ပြီးမြန်မာနိုင်ငံဆိုင်ရာရှမ်းတိုင်းရင်းသားများလုပ်ငန်းရှင်အသင်းဥက္ကဌဦးသန့်စင်ဦးက “ ကမ္ဘာ့ဘဏ်ကကျွန်တော်တို့နိုင်ငံရဲ့စီးပွားရေးကိုမခန့်မှန်းတတ်တော့ဘူးဆိုတာသူတို့ရဲ့ Link( အဆက်အသွယ်) တွေပျက်သွားလို့အဲ့လိုပဲကျွန်တော်ကမြင်တယ်။ Link. ဆိုတာတော့သူတို့ကိုအမြဲတမ်း Report ပေးနေတဲ့အဖွဲ့အစည်းတွေကလည်းအလုပ်မလုပ်နိုင်တော့ဘူးလို့မြင်တာပေါ့နော်နိုင်ငံရဲ့အခက်အခဲကတော့တိုင်းပြည်ရဲ့ Export , Import လည်းအများကြီးကျသွားတာရှိတယ်။တိုင်းရင်းသားဒေသမှာလည်းစိုက်ရေးပျိုးရေးတွေကိုတော်တော်လေးမလုပ်နိုင်တဲ့အနေအထားကိုကျသွားတာရှိတယ်။” လို့ဆိုပါတယ်။
ကမ္ဘာ့ဘဏ်ပြောဆိုမှုမှာ အာရှဖစိဖိတ်နိုင်ငံတွေအတွင်းမှာ ဒီလိုမခန့်မှန်းနိုင်တာ တစ်ခုတည်းသောနိုဖြစ်တယ်လို့လည်းဆိုပါတယ်။
အာဏာသိမ်းပြီးတဲ့နောက် ၂၀၂၁-၂၀၂၂ မတ်လအထိ မြန်မာ့ကုန်သွယ်ရေးကလည်း တိတိသာသာလျော့ကျခဲ့တာဖြစ်ပြီး မီနီဘတ်ဂျက်ဒေါ်လာ ၁၀ ဒသမ ၇ ဘီလီယံကျော်ရှိခဲ့ပြီး ကာလတူ ၂၀၂၀-၂၀၂၁ ကထက် ဒေါ်လန်း သန်း ၁၆၀ ကျော်လျော့နည်းနေတယ်လို့ မြန်မာ့မဟာဗျူဟာနဲ့ မူဝါဒလေ့လာရေး အင်စတီကျူ့ရဲ့ ဇွန်လ ၉ ရက်ထုတ်ပြန်မှုအရ သိရပါတယ် ။
မြန်မာ့ နယ်စပ်ကုန်သွယ်ရေးအနေနဲ့ တရုတ်နိုင်ငံနဲ့ အမေရိကန်ဒေါ်လာ ၁.၃ ဘီလီလျံလျော့ကျခဲ့ပြီး ထိုင်းနိုင်ငံနဲ့ ၃ ဘီလီလျံရှိပြီး ထိုင်းနဲ့ ကုန်သွယ်မှု သန်း ၅၂၀ မြင့်တက်မှုကုန်သွယ်မှုရှိနေတယ်လို့ ISP ရဲ့ မှတ်တမ်းပြုစုထားမှုအရသိရပါတယ်။
၂၀၂၂ ခုနှစ်မှာ ကမ္ဘာ့ဘဏ်က ထိုင်းနိုင်ငံကို ၂ ဒဿမ ၉ ရာခိုင်နှုန်း၊ ဗီယက်နမ်ကို ၅ ဒဿမ ၉ နှင့် ကမ္ဘောဒီယားနိုင်ငံကို ၄ ဒသမ ၅ ရာခိုင်နှုန်းတိုးတက်မည်ဟုခန့်မှန်းထားပါတယ်။