အင်းတော်ကြီးကန်ရေပြင် တစ်ပေကျော်ခန့်နိမ့်ကျနေ

DCIM\100MEDIA\DJI_0692.JPG

ရေခမ်းခြောက်နေသည့် ဘုရားသွားသည့်စက်လှေဆိပ်

အင်းတော်ကြီးကန်ရေပြင်သည် ယခင်ထက် (၁) ပေကျော်နိမ့်ကျလျှက်ရှိကြောင်း အင်းတော်ကြီးဘေးမဲ့တော အုပ်ချုပ်ရေးမှူး ဦးမောင်ဝင်းက ပြောကြားသည်။

 အင်းတော်ကြီးကန်ရေပြင် လစဉ်တိုင်းတာမှုများအရ ကန်ရေပြင်သည် အတိမ်ဆုံးနေရာသည် (၈)ပေရှိပြီး အနက်ဆုံးနေရာသည် ပေ(၆၀) ရှိကြောင်း၎င်း ကဆိုသည်။ 

“ မနှစ်တုန်းကမေလနဲ့ ဒီနှစ်မေလ တိုင်းတာမှုအရတော့ တစ်ပေနဲ့ ခြောက်လက်မလောက်လျော့သွားတယ်” ဟု ဦးမောင်ဝင်းကဆိုသည်။ 

၂ဝ၁၉ ခုနှစ်တွင် မိုးရွာသွန်းရက်သည် ၆၅ ရက်သာရွာသွန်းပြီး မိုးရေချိန်လက်မှ ၄၅ လက်မကျော်ခန့်သာရှိသောကြောင့် ကန်ရေပြင်မြင့်တက်ခဲ့ခြင်းမရှိခဲ့ခြင်းနှင့် ယခုနှစ်တွင်လည်း မိုးကောင်းမွန်စွာမရွာသွန်းသေး သောကြောင့်ဟု ဆိုသည်။ 

ရာသီဥတုပြောင်းလဲမှုများ အင်းတော်ကြီးကန်၏ ရေဝေရေလဲဒေသများတွင် သစ်ထုတ်လုပ်မှုများနှင့် ရွှေတူးဖော်မှုများ၏ မျှောမြှီးများသည်လည်း အင်းတော်ကြီးကန်ရေလျှော့ကျလာရသည့်အကြောင်းရင်းများဖြစ် သည်ဟုဆိုသည်။

 ယခုနှစ်ရေကျမှုသည် ဒေသခံများယုံကြည်သည့် ဘုရားသွားသည့် နတ်လမ်းပေါ်လာခြင်းနှင့် ဟဲပုဆိပ်ကမ်း၊ မမုန်ကိုင်ဆိပ်ကမ်းများ သိသိသာသာပေါ်ထွန်းလာခဲ့သည်။ 

ထို့ကြောင့်လည်း ယခုအချိန်တွင် အင်းတော်ကြီးကန်ကို ဒေသတွင်းလာရောက်လည်ပတ်သူများနှင့် စည်ကားလျှက်ရှိနေသည်။

Leave a Reply

Your email address will not be published. Required fields are marked *

ဆက်စပ်သတင်းများ