မတ်လ (၃၀) ၊ ဟုမ္မလင်း
စစ်ကိုင်းတိုင်းဒေသကြီးအထက်ပိုင်း ဟုမ္မလင်းမြို့နယ် ချင်းတွင်းမြစ် ခိုပဲဝဆိပ်ကမ်းမှာ ဆိိုက်ကပ်ထားတဲ့ စက်သုံးဆီတင် ရေယာဉ် (၃) စီး မီးလောင်ပေါက်ကွဲခဲ့ပြီး လူသေဆုံးမှုတွေရှိခဲ့တယ်လို့ ဒေသခံများမှ သိရပါတယ်။
မနေ့က မတ်လ ၂၉ ရက်၊ မနက် ၁၀ နာရီလောက်မှာ စလောင်လောင်ကျွမ်းခဲ့ကာ လူ ၄ ဦးသေဆုံးခဲ့ဖြစ်ပြီး ၂ ဦးမှာ ထမံသီကျေးရွာက ဖြစ်တယ်လို့သိရပါတယ်။
“ ခိုပဲဝ ဆိပ်ကမ်းမှာလောင်တာတဲ့ဒီနေ့မနက်ထိတောင် မီးကမငြိမ်းသေးဘူး ။ ဆီပန့်ရိုက်ရင်းနဲ့ လောင်တာထင်တယ် ။ ပြီးတော့မီးသတ်ကားက သွားလို့မရတော့လေ မီးကတော်တော်နဲ့ ငြိမ်းလို့မရဘူး ယာဉ်တွေကဆီလှောင်ထားထင်တယ်။ တစ်ခုပြီးတစ်ခုကူးသွားတာလို့ပြောတယ်။ ခုချိန်ထိလည်း မီးကလောင်နေတုန်းသုံးစီးလောက်မှာ ရပ်သွားတာ” လို့သူကဆိုပါတယ်။
မုံရွာမြို့ကနေ ဟုမ္မလင်းမြို့ကို စက်သုံးဆီသယ်ဆောင် တက်လာတဲ့ ရေယာဉ်ပေါ် ဆီသွားလွှဲပြောင်းကဲ့ယူချိန်ပေါက်ကွဲမှုဖြစ်ပွားခဲ့တာလို့ ဒေသခံတွေကပြောပါတယ်။
ဟုမ္မလင်းခရိုင်ရဲတပ်ဖွဲ့က ဒီကနေ့ မတ်လ ၃၀ ရက်နေ့ထိ သေဆုံးဒဏ်ရာရတဲ့ စာရင်းနဲ့ ပျက်ဆီးဆုံးရှုံးမှုကို စိစစ်နေဆဲဖြစ်တယ် လို့သိရပါတယ်။