ဧပြီ ၂၉ ၊ မိုးမောက်
မိုးမောက်မြို့ပေါ်မှာ စစ်ကောင်စီတပ်ဖွဲ့တွေက ဝင်ရောက်နေရာယူမှုတွေရှိလာတာကြောင့် အရပ်သားတွေဟာ ဗန်းမော်မြို့ဆီကို ထွက်ပြေးတိမ်းရှောင်နေတယ်လို့ စုံစမ်းသိရှိရပါတယ်။
“ မြို့မှာပေါ် သူတို့က နေရာယူကြတော့ ရှောင်ပြေးနေကြရတယ်။ မြို့ပေါ်မှာ တပ်က နေရာယူထားတယ် ၄၃၇ တပ်ရင်းတစ်ရင်းရှိတယ်။ မြို့ထဲမှာ နေရာပြန်သွားယူတော့တိုက်ပွဲတွေဖြစ်ကြတယ်” လို့ မိုးမောက်ဒေသခံတစ်ဦးက ပြောပါတယ်။
ဧပြီလ ၂၄ ရက်နေ့ကစပြီး အရပ်သားများဟာ ဗန်းမော်မြို့ကို တဖြည်းဖြည်းပြောင်းရွေ့နေကြတာလည်းဖြစ်ပါတယ်။
မိုးမောက်မြို့ပေါ်မှာ စစ်ကောင်စီတပ်နဲ့ KIA+PDF ပူးပေါင်းတပ်တို့ရဲ့ တိုက်ပွဲကြောင့် အရပ်သားများ ထိခိုက်သေဆုံးမှုများရှိသလို လက်နက်ကြီးကျည်ကြောင့် ဘုန်းတော်ကြီးကျောင်းအပါအဝင် နေအိမ်များလည်း ထိခိုက်ခဲ့ပါတယ်။
“ တော်တော်များများကတော့ ရောကက်ခဲ့ပြီး ။ နေရာအနှံ့ဖြစ်နေလို့မသိဘူး။ တချို့အိမ်မှာ တစ်ယောက်စ နှစ်ယောက်စ ပဲ လေးငါးအိမ်မှာ ၂၄ ရက်နေ့ ၊ ၂၅ ၊ ၂၆ ကတည်းက ပြေးကြပြီ” လို့ စစ်ဘေးတိမ်းရှောင်လာသည့် ရှမ်းနီတိုင်းရင်းသားတစ်ဦးကပြောပါတယ်။
ဗန်းမော်မြို့ရှိ ဘုန်းတော်ကြီးကျောင်းများ၊ ဆွေမျိုးမိတ်ဆွေများ၏ နေအိမ်တွေမှာ ခိုလှုံနေကြရတာဖြစ်ပြီး အရေအတွက်အတတိအကျကိုတော့ မသိရှိရသေးပါဘူး။
၂၀၂၀ ခုနှစ် ကချင်ပြည်နယ်အစိုးရရဲ့ လူဦးရေစာရင်းအရ မိုးမောက်မြို့ပေါ်မှာလူဦးရေ ကိုးထောင်ကျော်နေထိုင်နေကြောင်း သိရှိရပါတယ်။