ဇန်နဝါရီ ၁၅ ၊ ဟုမ္မလင်း
မြန်မာ့ရွှေစျေးကွက်မှာ ဒီနေ့မနက်ပိုင်း အဖွင့်စျေးအနေနဲ့ (၉၉) သိန်း (၂ )သောင်းကျပ်နဲ့ စတင်ဖွင့်လှစ်ခဲ့တယ်လို့ ရွှေဆိုင်တွေဆီကနေ စုံစမ်းသိရှိရပါတယ်။
ရွှေစျေးမြင့်တက်နေမှုဟာ (၂၀၂၆) ခုနှစ်စကတည်းက ဖြစ်ပြီး နေ့စဉ်နဲ့အမျှ တရိပ်ရိပ်မြင့်တက်နေတာလို့ ရွှေရောင်းဝယ်ရေးလုပ်ကိုင်နေသူတစ်ဦးကပြောပါတယ်။
“ ရွှေစျေးကွက်က ဘယ်လိုလာမယ်မသိသေးဘူး။ အခုက တစ်ရာတောင်ကပ်နေပြီ ၊ ရွေးကောက်ပွဲတွေပြီးရင်တော့ ကိုင်တော့မယ်ထင်တယ် “လို့သူကပြောပါတယ်။
ကမ္ဘာ့ရွှေဈေးကတော့ တစ်အောင်စကို ဒီနေ့မနက်ပ်ိုင်းမှာ ၄၅၉၁ ဒသမ ၂၆ ဒေါ်လာ နဲ့စတင်ဖွင့်ခဲ့ပြီး မနေ့ကထက် စျေးလျော့နည်းလာတာလည်းဖြစ်ပါတယ်။
အခုလိုရွှေစျေးတွေ မြင့်တက်ရင် အရင်က ရွှေဆိုင်တွေကို စစ်တပ်ဘက်က ခေါ်ယူစစ်ဆေးတာတွေရှိခဲ့ပေမယ့် အခုမှာတော့ မကြားမိသေးဘူးလို့ ဆိုကြပါတယ်။
သို့ပေမယ့်လည်း ရွှေလုပ်ငန်းရှင်တွေကတော့ အခုလိုအခြေနေကို သတိထားစောင့်ကြည့်နေရတယ်လို့ ဆိုပါတယ်။
မန္တလေးနဲ့ ရန်ကုန် ရွှေအသင်းတွေရဲ့ တရားဝင်သတ်မှတ်စျေးနှုန်းက ရွှေတစ်ကျပ်သားကို ကျပ်သိန်း ( ၆၀) ရှိတယ်လို့ထုတ်ပြန်ထားပါတယ်။
(၂၀၂၁) ခုနှစ် မှာ ရွှေတစ်ကျပ်သားကို ငွေကျပ် ၁၇ သိန်းရှစ်သောင်းပဲရှိခဲ့ပေမဲ့ (၂၀၂၆) ခုနှစ်မှာတော့ ဈေးနှုန်းက (၉၉) သိန်းကျော် အထိရောက်ရှိလာပြီး ၅ ဆကျော်မြင့်တက်လာခဲ့တာလည်းဖြစ်ပါတယ်။