ဖေဖော်ဝါရီ ၇ ၊ တောင်ကြီး
ရှမ်းနိုင်ငံရေအင်အားစုများ၊ ရှမ်းလက်နက်ကိုင်တပ်ဖွဲ့များနှင့် ရှမ်းလူမှုအဖွဲ့အစည်းများဟာ လက်ရှိ ပြည်တွင်းပြည်ပ အခြေအနေများကို မှန်မှန်ကန်ကန်သုံးသပ်ပြီး ညီညီညွတ်ညွတ်ဖြေရှင်းဖို့ ရှမ်းအရပ်ဘက်အဖွဲ့အစည်းများက ဒီနေ့မှာ တောင်းဆိုလိုက်ပါတယ်။
ဖေဖော်ဝါရီလ (၇)ရက်နေ့မှာ ကျရောက်တဲ့ ၇၈ နှစ်မြောက် ရှမ်းအမျိုးသားနေ့ (ရှမ်းပြည်အမျိုးသားနေ့) မှာ ရှမ်းလူငယ်များ ၊ ရှမ်းအရပ်ဘက်အဖွဲ့အစည်းများက တိုက်တွန်းလိုက်တာဖြစ်ပါတယ်။
ဒီနေ့ဟာ ရှမ်းပြည်အမျိုးသားနေ့ရဲ့ အနှစ်သာရဖြစ်တဲ့ စည်းလုံးညီညွတ်မှုဖြစ်ပြီး ရှမ်းလက်နက်ကိုင်တပ်ဖွဲ့တွဟာလည်း စစ်အာဏာရှင်ကို တွန်းလှန်တိုက်ခိုက်ဖို့ အရှိန်ကောင်းဖြစ်သလို အချင်းချင်း ပဋိပက္ခတွေကို လျော့ချဖို့ တောင်းဆိုထားကြပါတယ်။
ဖက်ဒရယ်ဒီမိုကရေစီနစ်သည်သာ လက်ရှိကြုံတွေနဲ့ရတဲ့ အထွေထွေအကြပ်အတည်းကို ဖြေရှင်းနိုင်တဲ့ အဖြေတစ်ခုဖြစ်ပြီး အာဏာရှင်စနစ်ပျက်သုဉ်းရေးကို ဆောင်ရွက်ဖို့ ရှမ်းအရပ်ဘက်အဖွဲ့တွေကထုတ်ပြန်ပါတယ်။
ဒီနေ့ကျရောက်တဲ့ ရှမ်းအမျိုးသားနေ့ကို ရှမ်းပြည်တောင်ပိုင်း မိုင်းပန်မြို့နယ်အတွင်းမှာ ရှမ်းပြည်ပြန်လည်ထူထောင်ရေးကောင်စီ/ရှမ်းပြည်တပ်မတော် RCSS/SSA က ကျင်းပနေတာဖြစ်ပြီး NCA ငြိမ်းချမ်းရေးကျောက်တိုင်ကိုလည်းဖွင့်လှစ်ခဲ့ပါတယ်။
ရှမ်းပြည်မြောက်ပိုင်း ဝမ်ဟိုင်းဒေသမှာလည်း ရှမ်းပြည်တိုးတက်ရေးပါတီ/ ရှမ်းပြည်တပ်မတော်က SSPP/SSA က ရှမ်းအမျိုးသားနေ့ကျင်းပနေ့ ကျင်းပနေကြတာဖြစ်ပါတယ်။
ရှမ်းနီဒေသမှာလည်း ရှမ်းနီကျောင်းသား/သူများက ဦးဆောင်ပြီး ရှမ်းအမျိုးသားနေ့ကိုကျင်းပနေတယ်လို့သိရပါတယ်။