ရှမ်းနီဒေသရပ်ရွာတွေမှာတော့ အိမ်တိုင်းကြိုက်ကြသလို ရိုးရာဟင်းဆိုရင်လည်းမမှားပါဘူး။ တောတောင်ထဲမှာ အလေ့ကျပေါက်ရောက်တဲ့ အပင်တစ်မျိုးဖြစ်ပါတယ်။ တောတောင်ထဲ ဟင်းသီးဟင်းရွက်ခူးသွားရင် ဒီအရွက်က မပါမဖြစ်ပါ။ ရှမ်းနီအိမ်တချို့မှာ ဒီအပင်ကို စိုက်ပျိုးထားတာတွေလည်းရှိပါတယ်။ နွေနှောင်းပိုင်း မိုးရနံ့လေးရပြီဆိုရင် အရွက်တွေက လှိုင်လှိုင်ထွက်ပေါ်လာပါတယ်။ ဒီနေ့မှာတော့ ရှမ်းနီဟင်းပြင်းပေါင်း ကို ကျေးလက်ဒေသမှာ ဘယ်လိုပုံစံပေါင်းကြသလဲဆိုတာကို တင်ဆက်ပေးသွားမှာဖြစ်ပါတယ်။