ဇွန် ၈ ၊ ဟုမ္မလင်း
ဟုမ္မလင်းမြို့နယ် နောင်ပိုအောင် အထကစာသင်ကျောင်းအဝင်ဝ နဲ့ လှေခါးအောက်နားမှာ ထောင်ထားတဲ့ မိုင်းနစ်လုံးတွေ့တယ်လို့ ဒေသခံတွေဆီကနေ သိရပါတယ်။
ဇွန်လ (၆) ရက်နေ့မှာ ထောင်ထားတာဖြစ်ပြီး ဒေသခံတွေက SNA နဲ့ စစ်တပ်ဆီကို အကြောင်းကြားပြီး စစ်တပ်ရဲ့ မိုင်းရှင်းလင်းရေးအဖွဲ့တွေက လာရောက်ရှင်းလင်းသွားတယ်လို့ ဒေသခံတစ်ဦးကပြောပြပါတယ်။
“ နှစ်လုံး တစ်လုံးကအကြီးကြီးပဲ အဲ့ခါကျတော့ တစ်လုံးက တော်တာ်ကြီးတယ်တဲ့ မြေကြီးတောင်တှုန်တယ်တဲ့။ မနေ့က သွားပြီး ကျောင်းရှင်းလင်းရေးတွေလှုပ်ပြီးတော့ အဲ့တာ ကလေးတွေမိလို့ရှိရင် သေကုန်မှဒါက” လို့ ကျောင်းအနီးက ဒေသခံတစ်ဦးကပြောပြပါတယ်။
နောင်ပိုအောင်အထကကျောင်းက မိုင်းရှင်းလင်းရေးလုပ်ပြီးတဲ့နောက် အထကကျောင်း နဲ့ နောင်ပတ်ခါးစာသင်ကျောင်းတွေကို သန့်ရှင်းရေးတွေပြုလုပ်ဖို့အတွက်နဲ့ ကျောင်းတက်တဲ့ ကျောင်းသားမိဘတွေအပေါ်မှာ နှောက်ယှက်မှုတွေမပြုဖို့ ဇွန်လ ၇ ရက်နေ့မှာ လိုက်လံဆော်ဩတယ်လို့ သိရပါတယ်။
“ ကျွန်တော်တို့မနေ့က လိုက်ပြီးဆော်ဩတာက ပညာသင်ကြားနေတဲ့ကျောင်းသားမိဘများအပေါ်မှာ မည်သူတစ်ဦးတစ်ယောက်မှ နှောက်ယှက်ခြင်းမပြုရဆိုပြီး အဲ့တာပါတယ်ဗျ၊ နောက်ပြီးတော့ အထကနောင်ပိုအောင်ကျောင်းဝင်းအတွင်း ကျောင်းသန့်ရှင်းရေးပြုလုပ်ဖို့ လိုအပ်တဲ့ပစ္စည်းကိရိယာတွေယူဆောင်ပြီး မပျက်မကွက်လာရောက်ပေးကြပါရန် တိုက်တွန်းနှိုးဆောင်အပ်ပါသည်” လို့ အဲ့ထဲမှာ လိုက်လံဆော်ဩတဲ့ထဲ ပါဝင်သူ ဒေသခံတစ်ဦးက ပြောပြပါတယ်။
ဇွန်လ ၈ ရက်နေ့မှာ နောင်ပိုအောင်ရွာထဲက နောင်ပတ်ခါးစာသင်ကျောင်းမှာ အပ်နှံထားသူတွေစာ သင်ကြားနေပြီး နောင်ပိုအောင် အထကကျောင်းကတော့ ကျောင်းသန့်ရှင်းရေးပြုလုပ်နေဆဲဖြစ်တယ်လို့ ဆိုလိုပါတယ်။
SNA ရဲ့ လိုက်လံဆော်ဩမှုမှာ အတင်းအကြပ်နဲ့ ကျောင်းသန့်ရှင်းရေးလာလှုပ်ကြဖို့အတွက် ဖိအားပေးခဲ့တယ်လို့ လူမှုကွန်ရက်စာမျက်နှာမှာ ပြောဆိုနေပေမယ့် ရှမ်းနီအသံမေးမြန်းစုံစမ်းမှုတွေမှာ အတင်းအကြပ်စေခိုင်းတယ်လို့ ပြောဆိုမှုမရှိကြောင်း ပြောကြပါတယ်။
နောင်ပိုအောင် အထကက နှစ်စဉ်ကျောင်းသားဦးရေ ၁၇၀၀ ကျော်ပညာသင်ကြားတဲ့ကျောင်းဖြစ်ပြီး ကိုဗစ်ကပ်ရောဂါနဲ့ အာဏာသိမ်းမှုတို့ကြောင့် ကျောင်း(၂) နှစ်ပိတ်ထားခဲ့ရတာလည်းဖြစ်ပါတယ်။