မတ် -၃ ၊ မန္တလေး
စက်သုံးဆီစျေးနှုန်းတွေက ဒီနေ့မှာ တစ်လီတာကို (၂၀၀) ကျပ်ကျော်အထိ မြင့်တက်လာနေတယ်လို့ စက်သုံးဆီအရောင်းဆိုင်ကြီးတွေဆီကနေ သိရပါတယ်။
ဒီနေ့မှာ မြန်မာနိုင်ငံက စက်သုံးဆီအဓိကဖြန့်ဖြူးနေတဲ့ Denko ၊ BOC ဆိုင်တွေမှာ 92 တစ်လီတာကို နှစ်ထောင်နီးပါးရှိနေပြီး ၉၅ တစ်လီတာကို နှစ်ထောင့်တစ်ရာကျပ်ကျော် အထိ မြင့်တက်လာခဲ့ပါတယ်။
ယမန်နေ့က စက်သုံးဆီတစ်လီတာကို ထောင့်ခုနှစ်ရာကျပ်သာရှိခဲ့ပြီးတော့ ဒီနေ့မှာ မြင့်တက်လာခဲ့တာပါ။
ရုရှားက ယူကရိန်းကို ကျူးကျော်စစ် စတင်ပြီးတဲ့နောက် ကမ္ဘာ့စက်သုံးဆီစျေးကွက်ကလည်း မငြိမ်မသက်ဖြစ်လာခဲ့ပါတယ်။
ရှရှားဟာ ကမ္ဘာပေါ်မှာရေနံနဲ့ သဘာဝဓာတ်ငွေ့အများဆုံးတင်ပို့ရောင်းချတဲ့နိုင်ငံဖြစ်ပြီးတော့ သူ့နိုင်ငံ ပိတ်ဆို့အရေးယူခံရပြီးတဲ့နောက် ကမ္ဘာ့လောင်စာဆီစျေးနှုန်းတွေကလည်း ၁၀ စုနှစ်အတွင်း အမြင့်ဆုံးစံချိန်ရောက်ခဲ့တယ်လို့ VOA သတင်းတစ်ရပ်က ဖော်ပြပါတယ်။
ဒီလိုမြင့်တက်လာမှုတွေကြောင့် တခြားအခြေခံစားသောက်ကုန်စျေးတွေလည်း မြင့်တက်လာခဲ့သလို သယ်ယူပို့ဆောင်ရေးစရိတ်တွေလည်းမြင့်တက်လာနေတယ်လို့ စုံစမ်းသိရှိရပါတယ်။