ဧပြီ ၂၁ ၊ ကန့်ဘလူ
စစ်ကိုင်းတိုင်းအတွင်းတွင် စစ်ကောင်စီက လေကြောင်းတိုက်ခိုက်မှုတွေ ဆက်တိုက်ရှိနေပြီး အရပ်သားသေဆုံးမှုတွေမြင့်တက်လာနေတယ်လို့ ဒေသခံတွေကနေ စုံစမ်းသိရှိရပါတယ်။
ဧပြီလ ၂၀ ရက်နေ့တွင် ကန့်ဘလူမြို့နယ် သင်တောကျေးရွာကို စစ်ကောင်စီက လေကြောင်းကနေ ပစ်ခတ်တိုက်ခိုက်ခဲ့တာကြောင့် ကုန်စုံဆိုင်တစ်ခုအနီး ကျရောက်ပေါက်ကွဲခဲ့တာကြောင့် အရပ်သား ၆ ဦးသေဆုံးခဲ့တယ်လို့ ကျွန်းလှတက်ကြွလှုပ်ရှားသူများအဖွဲ့က ဆိုပါတယ်။
လေကြောင်းမှ ဗုံးကြဲချမှုကြောင့် ထိခိုက်ခဲ့သည့်စျေးဆိုင်သည်ထိုကျေးရွာတွင် အကြီးဆုံးသော စျေးဆိုင်တစ်ခုဖြစ်ပြီး ဆန်စက်၊ ဆီစက်များပါများပါ မီးလောင်ပျက်စီးကြောင်း သူတို့အဖွဲ့က ထုတ်ပြန်ထားပါတယ်။
သင်္ကြန်ကာလအတွင်းမှာလည်း ကန့်ဘလူမြို့နယ်အတွင်းမှာ လေကြောင်းတိုက်ခိုက်မှုတစ်ကြိမ်ရှိခဲ့ပြီး ထိုတိုက်ခိုက်မှုက ထိခိုက်မှုမရှိခဲ့ဘူးလို့သိရပါတယ်။
ကန့်ဘလူမြို့နယ်နဲ့ ထိစပ်နေတဲ့ ကောလင်းမြို့နယ် နဲ့ ဝန်းသိုမြို့နယ်ကိုလည်း စစ်ကောင်စီက သင်္ကြန်ကာလအတွင်းမှာ လေကြောင်းကနေ တိုက်ခိုက်မှုတွေပြုလုပ်ခဲ့ပြီး အရပ်သား ၅ ဦးသေဆုံးခဲ့တယ်လို့ သတင်းမှတ်တမ်းတွေအရ သိရပါတယ်။
ငလျင်ကြောင့် ယာယီအပစ်ခတ်ရပ်စဲထားသည့် ဧပြီလအတွင်းမှာ လေကြောင်း ဝန်းသိုမြို့နယ် နမ့်ခမ်းကျေးရွာအတွင်း လေကြောင်းမှ ပစ်ခတ်တိုက်ခိုက်မှုကြောင့် လူ ၂၀ ကျော် သေဆုံးထားတာလည်းဖြစ်ပါတယ်။