ဇူလိုင် ၂၆ ၊ ဘန်ကောက်
စစ်ကောင်စီရဲ့ ဒီမိုကရေစီတက်ကြွလှုပ်ရှားသူတွေကို သေဒဏ်စီရင်တာနဲ့ ပတ်သက်ပြီး ဇူလိုင်လ ၂၆ ရက်နေ့မှာ ထိုင်းနိုင်ငံရောက် မြန်မာတွေက ဆန္ဒထုတ်ဖော်ခဲ့ကြပါတယ်။
ဘန်ကောက်မြို့က ထနွမ်ဆာထွန်လမ်းမှာရှိတဲ့ မြန်မာသံရုံးရှိအနီးတဝိုက်မှာ ထောင်ပိုင်းနီးပါး စုဝေးပြီး ဆန္ဒထုတ်ဖော်ခဲ့ကြတာလည်းဖြစ်ပါတယ်။
“ ကျွန်တော်တို့နဲ့ CDM လုပ်ပြီး ပူးပေါင်းပါ ၊ ဒီအချိန်မှာ ခင်ဗျားတို့ ခြုံစည်းရိုးခွပြီးမထိုင်ပါနဲ့တော့ ကျွန်တော်တို့ရဲ့ ပြည်သူတွေရဲ့ မျက်နှာကို ကြည့်ပေးပါ။ ခင်ဗျားတို့ခြံစည်းရိုးခွထိုင်ဖို့ ခင်ဗျားတို့ အားကိုးနေတဲ့ စစ်တပ်ကလည်း အင်အားအင်မတန်ချိနဲ့နေပါပြီ ကျွန်ုပ်တို့ပြည်သူတွေ သွေးမြေကျသလို ၊ သွေးကြွေးမှာ ဆွေးနွေးစရာမရှိပါဘူး” လို့ ဆန္ဒပြပွဲမှာ ပါဝင်တဲ့ တက်ကြွလှုပ်ရှားသူတစ်ဦးကဆိုပါတယ်။
ထိုင်းနိုင်ငံက မြန်မာသံရုံးက တာဝန်ရှိသူတွေကို CDM မှာ ပါဝင်ဖို့အတွက်တောင်းဆိုမှုတွေရှိနေသလို ၊ နောက်တစ်ကြိမ်ဆန္ဒထုတ်ဖော်မှုတွေထက် သံရုံးကို ဝင်စီးမယ်လို့ ဆန္ဒပြပွဲမှာ ဟောပြာမှုတွေလည်းရှိပါတယ်။
ဒီဆန္ဒပြပွဲက စစ်ကောင်စီကို ဆောင်ပုဒ်အမျိုမျိုးနဲ့ ပြောဆိုကန့်ကွက်ခဲ့ကြတာလည်းဖြစ်ပါတယ်။
ထိုင်းနိုင်ငံမြန်မာသံရုံးကို ဒီတစ်ချိန်ဆန္ဒထုတ်ဖော်မှုက လူအများဆုံး ဆန္ဒထုတ်ဖော်မှုလို့လည်းဖြစ်ပါတယ်။
စစ်ကောင်စီရဲ့ ဒီမိုကရေစီအရေး တက်ကြွလှုပ်ရှားသူတွေကို ကွက်မျက်တဲ့ကိစ္စနဲ့ ပတ်သက်ပြီး ကုလသမဂ္ဂ ၊ အာဆီယံ ၊ ဥရောပ သမဂ္ဂ နဲ့ ပြည်တွင်း ပြည်ပက မြန်မာအများစု ကန့်ကွက်ရှုံ့ချထားကြပါတယ်။