ဩဂုတ် ၁ ၊ နေပြည်တော်
နိုင်ငံတော်သမ္မတ ဦးဝင်းမြင့် နှင့် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့ကို တရားရုံးက ပြစ်မှုစီရင်ရင်ပြီး ချမှတ်ထားတဲ့ ပြစ်ဒဏ်တချို့ကို လွတ်ငြိမ်းခွင့်ပြုလိုက်တယ်လို့ စစ်ကောင်စီက ဩဂုတ်လ ၁ ရက်နေ့မှာ ကြေညာပါတယ်။
ဒေါ်အောင်ဆန်းစုကြည်ကို တရားရုံးက ပြစ်ဒဏ်ချမှတ်ထားတဲ့ ရာဇဝတ်ကြီးအမှတ် ၃၅/၂၀၂၁ ၊ ၃၇/၂၀၂၁၊ ၇၁/၂၀၂၃ ၊ ၃၈/၂၀၂၁ နဲ့ ၄၅/၂၀၂၁ တို့အတွက် လွတ်ငြိမ်းသက်သာခွင့်ပြုလိုက်တာလို့ ဆိုပါတယ်။
သမ္မတဦးဝင်းမြင့်ကို စ်ဒဏ်ချမှတ်ထားတဲ့ ရာဇဝတ်ကြီးအမှတ် ၃၅/၂၀၂၁၊ ၃၆/၂၀၂၁ တို့အတွက် လွတ်ငြိမ်းသက်သာခွင့်ပြုတယ်လို့ ဆိုပါတယ်။
စစ်ကောင်စီက ဒေါ်အောင်ဆန်းစုကြည်ကို ပုဒ်မအမျိုးမျိုးနဲ့ ထောင်ဒဏ် ၃၃ နှစ်အထိချမှတ်ထားပြီး ဦးဝင်းမြင့်ကို အမှု ၈ မှုအတွက် ထောင်ဒဏ် ၁၂ နှစ်အထိချမှတ်ထားတာလည်းဖြစ်ပါတယ်။
ဒါ့အပြင် တိုင်းရင်းသားလက်နက်ကိုင်အဖွဲ့များဖြစ်တဲ့ SSPP/SSA နဲ့ တအာင်း-ပလောင်အဖွဲ့ TNLA ၊ MNDAA တို့မှ ၁၅ ဦးတို့ကို ပြစ်ဒဏ်လွတ်ငြိမ်းခွင့်ပြုခဲ့တယ်လို့ သိရပါတယ်။
ဩဂုတ်လ ၁ ရက်နေ့မှာ ကျရောက်တဲ့ ဓမ္မာစကြာအခါတော်နေ့ (ဝါဆိုလပြည့်နေ့မှာ) တစ်နိုင်ငံလုံးက အကျည်းသား ၇၇၄၉ ဦးတို့ကို လွတ်ငြိမ်းချမ်းသာခွင့်ပြုခဲ့တယ်လို့လည်း စစ်ကောင်စီက ကြေညာထားပါတယ်။