ဖေဖော်ဝါရီ ၁၅၊ နမ့်တော
ဟုမ္မလင်းမြို့နယ် နမ့်တောစံပြကျေးရွာမှ အထက်တောင်ပေါ်ကျေးရွာသွားလမ်းပေါ်ရှိသည့် စက်သုံးဆီသိုလှောင်ထားသည့်နေရာများတွင် ဖေဖော်ဝါရီလ ၁၅ ရက်နေ့မှာ မီးလောင်ကျွမ်းခဲ့တယ်လို့ သိရပါတယ်။
“ အခုကတော့ ငြိမ်းသွားပြီဗျ၊ ဘာကြားမိသလဲဆိုတော့ အိမ်နှစ်လုံးသုံးလုံးနဲ့ ဆီခြံတစ်ခုပါသွားတာပါ့ ၊ ရွှေကြယ်ပွင့် ၊ရွှေကြပ်ပွင့်ပါခင်ဗျာ့။ ရွာနဲ့တစ်ဆက်တည်း နန့်တောရွာဦးပေါ့ ၊ “ လို့ နန့်တောဒေသခံတစ်ဦးက ပြောပြပါတယ်။
ဖေဖော်ဝါရီလ ၁၅ ရက်နေ့ နေ့လည် နှစ်နာရီကျော်ကတည်းက လောင်ကျွမ်းတာဖြစ်ပြီး ညနေ ၅ နာရီကျော်မှ မီးကို တားဆီးငြိမ်းသတ်နိုင်ခဲ့တာဖြစ်တယ်လို့ ဒေသခံတွေဆီကနေ သိရပါတယ်။
မီးလောင်ကျွမ်းမှုကြောင့် စက်သုံးဆီသိုလှောင်ထားတဲ့ ခြံအပါအဝင် နေအိမ်သုံးလုံးခန့်မီးလောင်ကျွမ်းခဲ့တာဖြစ်တယ်လို့ သိရပါတယ်။
လောင်ကျွမ်းရတဲ့ အကြောင်းအရင်းကတော့ သေချာမသိရှိရသေးပါဘူး။
နန့်တောကျေးရွာမှာ ၂၀၁၃ ခုနှစ် ဖေဖော်ဝါရီလမှာ မီးလောင်ကျွမ်းမှုတစ်ခုကြောင့် နေအိမ်တစ်ရာကျော်နဲ့ စျေးဆိုင်တန်းအားလုံးမီးလောင်ပျက်စီးခဲ့တဲ့ဖြစ်စဉ်တစ်ခုဖြစ်ပွားခဲ့ပါတယ်။