စစ်ကိုင်းတိုင်းဒေသကြီးအထက်ပိုင်း ဗန်းမောက်မြို့နယ် လေးသီကျေးရွာအုပ်စု ဥက္ကဌကို ဗန်းမောက်မြောက်ပိုင်းမှာ လှုပ်ရှားနေသည့် တော်လှန်းရေးအင်အားစုများက ဇွန်လ ၂၄ ရက်နေ့တွင် နေအိမ်အတွင်း လာရောက်ဖမ်းဆီးခဲ့ကြောင်း စုံစမ်းသိရှိရသည်။
လေးသီအုပ်စု ဥက္ကဌ ဦးထွန်းဝယ် (ခေါ်) အိုက်စိုးကို ပျောက်ကျားဝတ်စုံဝတ်ဆင်ထားသူ (၁၅) ဦး ဇွန်လ ၂၄ ရက်နေ့ မနက် ၅ နာရီခွဲကျော်အချိန်တွင် နောင်မဲ့လုံကျေးရွာရှိ ၎င်း၏နေအိမ်အတွင်း လာဖမ်းသွားကြောင်း ဖြစ်စဉ်ကို သိသည့် နောင်မဲလုံကျေးရွာဒေသတစ်ဦးက ပြောပြသည်။
“မနက်၅နာရီကျော်ကျော်၅နာရီနှင့်၆နာရီကြားဖမ်းသွားတာ။သူတို့လာတာကခြေလျင်လာတာ။လေးသီဟိုးဘက်ကနေဖြတ်ခဲ့တာခြေကျင်၁၅ယောက်။အေးနောက်မှဒီမှာဖမ်းပြီးတော့မှသူတို့ကဒီမြို့ထဲကနေဖိုးဝီးနဲ့ဒါတိုက်ပန်းတောဘက်ကိုခေါ်သွားတာအဲ့လို။” လို့ဖြစ်စဉ်ကိုသိရှိသူဒေသခံတစ်ဦးကပြောဆိုသည်။
လေးသီအုပ်စု ဥက္ကဌ ဦးအိုက်စိုး အဖမ်းခံရမှုသည် လေးသီအုပ်စုအတွင်း စစ်ကောင်စီ၏ အခြေခံပညာကျောင်းများ ဖွင့်လှစ်ဖို့ ကြိုးစားသည့်အတွက်ကြောင့် ဖြစ်နိုင်ကြောင်း ပြောဆိုမှုတွေလည်းရှိနေသည်။
“ဖမ်းရတဲ့အကြောင်းအရင်းကသူကကျောင်းဖွင့်တဲ့အရေးကြိုးစားနေလို့ပါ့။သူ့ရွာကျောင်းဖွင့်ဖို့သူ့အုပ်စုကျောင်းဖွင့်ဖို့ကြိုးစားနေတယ်ဒါပဲသိတာကို။အဲ့ဒီရွာကပီဒီအက်ဖ့်ထဲဝင်ထားတာလေးငါးခြောက်ယောက်ခုနှစ်ယောက်ရှိတာကိုးအဲ့ကောင်တွေကလာဖမ်းတာနေမှာပါ့” လို့ နောက်ထပ် နောင်မဲလုံကျေးရွာသား တစ်ဦးက ပြောဆိုသည်။
လာရောက်ဖမ်းဆီးသွားသည့် ဒေသကာကွယ်ရေးတပ်ဖွဲ့တွေသည် ဦးအိုက်စိုးကို ဖမ်းဆီးရသည့် အကြောင်းအရင်းကို ပြောဆိုခြင်းမရှိသေးသလို ၎င်းတို့နှင့် ဆက်သွယ်နိုင်ရေး ဗန်းမောက်မြို့နယ် မြောက်ပိုင်းဒေသတွင် ဖုန်းလိုင်းများပျက်တောက်နေသည်။
စစ်ရေးတင်းမာမှုတွေကြောင့် ဗန်းမောက်မြို့နယ်တစ်ခုလုံး စာသင်ကျောင်းများပိတ်ထားရပြီး စစ်ကောင်စီ ပညာရေးဌာနက ဗ ဗန်းမောက်မြို့ပေါ်ကျောင်းများ ဖွင့်လှစ်နိုင်ရေးအတွက် ဇွန်လ ၁၉ ရက်နေ့က ကျောင်းအပ်လက်ခံမှုတွေစတင်ပြုလုပ်နေကြောင်း သိရသည်။