ဇူလိုင် ၇ ၊ မိုးညှင်း
မိုးညှင်းမြို့ လောက်စာတောင်အနီးမှာ အသတ်ခံထားရသည့် အမျိုးသမီးတစ်ဦး၏ ရုပ်အလောင်းတစ်ခုကို ဒီနေ့ ဇူလိုင်လ ၇ ရက်နေ့မှာ တွေ့ရှိခဲ့တယ်လို့ ဒေသခံတွေဆီကနေ သိရပါတယ်။
အသတ်ခံရသူဟာ မိုးညှင်းမြို့ ရွာသစ်ကုန်းရပ်နေ မထိုက်ထိုက်အေး ဖြစ်ပြီး အိမ်ဝင်းလိုက်ပြပေးမည်ဟုဆိုကာ ခေါ်ဆောင်သွားပြီး ဓားဖြင့်လုပ်ကြံ အသတ်ခံရခြင်းဖြစ်ကြောင်း မိုးညှင်းမြို့ အုပ်ချုပ်ရေးနှင့်နီးစပ်သူတွေဆီကနေ သိရပါတယ်။
“ နာမည်က ထိုက်ထိုက်အေးတဲ့ နေရပ်ကတော့ ရွာသစ်ကုန်းကပဲ ၊ ဆိုင်ကယ်နဲ့ ဖုန်းတော့မယူသွားတာ ဘာမှမယူသွားဘူး” လို့ အုပ်ချုပ်ရေးနှင့် နီးစပ်သူတစ်ဦးက ပြောပြပါတယ်။
၎င်းနှင့်အတူ ပါသွားသည့် (၃) နှစ်အရွယ်ကလေးကို အသက်ရှင်လျက်လောက်စာတောင်အနီး မြို့ရှောင်လမ်းမပေါ်တွင် ပစ်ထားခဲ့ကြောင်း သိရပါတယ်။
မထိုက်ထိုက်အေးကို လုပ်ကြံသတ်ဖြတ်သွားသူတွေကိုတော့ မသိရှိရသေးဘူးလို့ သိရပါတယ်။
လောင်စာတောင်အနီးမှာ အမျိုးသမီးများ ယခင်က ဓားထိုးခံရမှုများ၊ သတ်ဖြတ်ခံရမှုများဖြစ်ပွားခဲ့ဖူးပြီး တရားခံတွေကိုတော့ ယနေ့အချိန်ထိ ဖော်ထုတ်နိုင်ခြင်းမရှိသေးကြောင်းသိရပါတယ်။