ဖေဖော်ဝါရီ ၉ ၊ ရန်ကုန်
ဖေဖော်ဝါရီလ (၁၂) ရက်နေ့မှာ ကျရောက်မယ့် (၇၅) နှစ်ပြည့် စိန်ရတု ပြည်ထောင်စုနေ့ အခမ်းအနားမှာ ငြိမ်းချမ်းရေးဆွေးနွေးဖို့အတွက် စစ်ကောင်စီက ဖိတ်ကြားခဲ့ပြီးနောက် မြန်မာနိုင်ငံသဘင်အစည်းအရုံး (ဗဟို)ကလည်း ပြန်လည်ဖိတ်ကြားမှု ပြုလိုက်ပါတယ်။
မြန်မာနိုင်ငံသဘင်အစည်းအရုံး (ဗဟို)က ဒီနေ့ ဖေဖော်ဝါရီ (၉)ရက်နေ့ ရက်စွဲနဲ့ ဖိတ်ခေါ်လိုက်တာလည်း ဖြစ်ပါတယ်။
ဒီဆွေးနွေးပွဲမှာ ကြိုတင် ကန့်သတ်မထားတဲ့ဆွေးနွေးပွဲဖြစ်ပြီး ပွင့်ပွင့်လင်းလင်းဆွေးနွေးနိုင်တယ်လို့ စစ်ကောင်စီဘက်က ပြောဆိုထားပါတယ်။
စစ်ကောင်စီက ဒီပွဲကို ၎င်းတို့မီဒီယာတွေဆီကနေတဆင့် ဖိတ်ကြားမှုမျိုးပဲဖြစ်ပြီး တိုင်းရင်းသားလက်နက်ကိုင်တွေဆီကို စာပေးပို့ ဖိတ်ကြားမှုမဟုတ်ကြောင်း စုံစမ်းသိရှိရပါတယ်။
ပြည်တွင်း မီဒီယာတွေမှာတော့ တိုင်းရင်းသားလက်နက် အဖွဲ့အစည်းအများစု တက်ရောက်မှာ မဟုတ်တဲ့အကြောင်းပြောဆိုထားကြပါတယ်။