ဒေါ်အောင်ဆန်းစုကြည်က ဒီမိုကရေစီ ပြန်လည်ထူထောင်ရာမှာ “မရှိမဖြစ်” လိုအပ်ပြီး သူ့ကိုဖမ်းဆီးတရားစီရင်ချက်ချထားစေကာမူငြိမ်းချမ်းရေးဆွေးနွေးပွဲမှာ ပါဝင်ရမယ်လို့ ဖိလစ်ပိုင်နိုင်ငံခြားရေးဝန်ကြီးက မနေ့က တနင်္ဂနွေနေ့မှာ ပြောကြားခဲ့ပါတယ်။
ဖိလစ်ပိုင် နိုင်ငံခြားရေးဝန်ကြီး လော့ဆင်က စစ်ကောင်စီရဲ့ နိုဘယ်လ်ဆုရှင်အပေါ် စီရင်ချမှုအတွက် ရှုတ်ချခဲ့ပြီး ၊အတိုက်အခံတွေကို ချေမှုန်းဖို့ တရားစီရင်ရေးမဏ္ဍိုလ်ကို အသုံးပြုခဲ့တယ်လို့ ပြင်းပြင်းထန်ထန် ဝေဖန်ထားပါတယ်။
“မင်းမဲ့စရိုက်၊နိုင်ငံတွင်းပြိုကွဲမှုနှင့်ပြည်တွင်းပဋိပက္ခတွေကိုမခြိမ်းခြောက်နိုင်သောဒီမိုကရေစီပြန်လည်ထူထောင်ရေးတွင်ဒေါ်အောင်ဆန်းစုကြည်က မရှိမဖြစ်လိုအပ်ပါတယ် “
လောဆင်က က ဒေါ်အောင်ဆန်းစုကြည်မပါဘဲ တွေ့ဆုံဆွေးနွေးမှုက အဓိပ္ပါယ်မရှိလို့ ပြောဆိုထားပါတယ်။
ဒေါ်အောင်ဆန်းစုကြည်ကို စစ်ကောင်စီဘက်က အဂတိလိုက်စားမှုမှ နိုင်ငံတော်လျှို့ဝှက်ချက်များကို ချိုးဖောက်မှုအထိ အမှုပေါင်းဒါဇင်ကျော်ထိ တရားစွဲဆိုထားပြီး ထောင်ဒဏ်ခြောက်နှစ်ထိလည်း ချမှတ်ထားခဲ့ပြီဖြစ်ပါတယ်။
“ဒေါ်အောင်ဆန်းစုကြည်ဟာသူ့ယုံကြည်ချက်နဲ့သူရှိနေပေမဲ့အဲဒီမှာရှိရပါမယ်။ မြန်မာနိုင်ငံမှာတပ်မတော်ကကြောက်စရာဘာမှမရှိဘူး၊မြန်မာနိုင်ငံကိုမိတ်ဆက်ပေးတဲ့ဒီမိုကရေစီစနစ်ကနေအမြတ်အများကြီးရမှာပါ၊အားလုံးပါဝင်တဲ့တွေ့ဆုံဆွေးနွေးမှုမှာပါဝင်ဖို့နဲ့ဒီမိုကရေစီအသွင်ကူးပြောင်းရေးလုပ်ငန်းစဉ်ကိုပြန်လည်စတင်ဖို့တပ်မတော်ခေါင်းဆောင်တွေကိုကျနော်တို့တောင်းဆိုထားပါတယ်။
လောဆင် က ယခုလအစောပိုင်းက မြန်မာနိုင်ငံသို့ လာရောက်လည်ပတ်တဲ့ အာဆီယံဥက္ကဋ္ဌသစ်ဖြစ်တဲ့ ကမ္ဘောဒီးယားဝန်ကြီးချုပ် ဟွန်ဆန်အား အစွမ်းကုန်ပံ့ပိုးသွားမယ်လို့ ” မည်ဟု ကတိပြုထားပါတယ်။
သို့ပေမယ့် အာဆီယံ အဖွဲ့ဝင်အချို့ စိုးရိမ်နေတဲ့ အငြင်းပွားဖွယ်ရာ ဒီခရီးစဉ်က မြန်မာစစ်အစိုးရအား အာဆီယံ၏ အသိအမှတ်ပြုမှုကို ညွှန်ပြနိုင်တဲ့အကြောင်း မလေးရှားထိပ်တန်းသံအရာရှိများ၏ ပြောကြားချက်အရ သိရပါတယ်။