ဟုမ္မလင်းမြို့ကတောင်ပေါ်ကျောင်းဆရာတော်အရှင်တေဇနိယအပါအဝင် (၃) ဦးကိုစစ်ကောင်စီကထောင်ဒဏ်ချမှတ် 

ထောင်ဒဏ်ချမှတ်ခံရသည့် ဆရာတော် အရှင်တေဇနိယ နှင့် ကိုဝင်းမော်

ဇန်နဝါရီ ၂၉ ၊ ဟုမ္မလင်း 

ဟုမ္မလင်းမြို့က စစ်ကောင်စီကို ဆန့်ကျင်ကန့်ကွက်မှုတွေမှာ ပါဝင်ခဲ့တဲ့  ဟုမ္မလင်းတောင်ပေါ်ကျောင်းဆရာတော် အရှင်တေဇနိယ အပါအဝင် (၃) ဦးကို စစ်ကောင်စီက ဇန်နဝါရီလ ၂၈ ရက်နေ့မှ ချမှတ်လိုက်ကြောင်းသိရပါတယ်။ 

ဟုမ္မလင်းတောင်ပေါ်ကျောင်းဆရာတော် အရှင်တေဇနိယ ကို ထောင်ဒဏ် (၃) နှစ်နဲ့ (၆)လ ၊ ဦးဝင်းမောင် ( အောင်သမာဓိ ) ကို ထောင်ဒဏ် (၂) နှစ် နဲ့ နမ့်တောစံပြကျေးရွာက သပိတ်ခေါင်းဆောင် ကိုဘိုဘိုကို ထောင်ဒဏ်(၂) နှစ်ချမှတ်လိုက်တာဖြစ်ပါတယ်။ 

တောင်ပေါ်ကျောင်းဆရာတော် အရှင်တေဇနိယ နဲ့ ဦးဝင်းမော်(အောင်သမာဓိ) ကို ၂၀၂၁ ခုနှစ် ဇွန်လ (၁၆) ရက်နေ့မှာ စစ်တပ်က  လူဝတ်လဲ ဖမ်းဆီးလိုက်တာလည်းဖြစ်ပါတယ်။ 

သူတို့အားလုံးက စစ်ကောင်စီကို ဆန့်ကျင်ကန့်ကွက်မှုတွေမှာပါဝင်ခဲ့သူတွေဖြစ်ပြီး ခေါင်းဆောင်တွေနဲ့ ထောက်ပံ့သူတွေလည်းဖြစ်တယ်လို့ စုံစမ်းသိရှိရပါတယ်။ 

ဟုမ္မလင်းမြို့နယ်ထဲမှာ ဖမ်းဆီးခံရသူ (၈) ဦးထဲမှာ (၃)ဦးကို တရားရုံးက အမိန့်ချလိုက်ပြီး ကျန်သူများက တရားဆက်လက်ရင်ဆိုင်နေရဆဲဖြစ်တယ်လို့ဆိုပါတယ်။ 

ဇန်နဝါရီလ ၂၀ ရက်နေ့ကလည်း ခန္တီးမြို့နယ်က စစ်အာဏာရှင်ကို ဆန့်ကျင်ခဲ့သည့် ကျားနီပါတီ ခန္တီးမြို့နယ်ဥက္ကဌကိုလည်း ထောင်ဒဏ် (၂)နှစ် ချလိုက်ပါတယ်။ 

နိုင်ငံရေးအကျဉ်းသားများ ကူညီစောင့်ရှောက်ရေးအဖွဲ့က ပြုစုထားတဲ့ စာရင်းတွေအရ မနေ့ကထိ ဖမ်းဆီးခံရသူ (8798) ဦးရှိပြီး ၆၅၄ ဦးကို ထောင်ဒဏ်ချမှတ်ခံထားရကြောင်း သိရပါတယ်။ 

Leave a Reply

Your email address will not be published. Required fields are marked *