နိုဝင်ဘာ ၂၇ ၊ မုံရွာ
မုံရွာမြို့မှာ အခြေစိုက်တဲ့ အနောက်မြောက်တိုင်း စစ်ဌာနချုပ်တိုင်းမှူး ဗိုလ်ချုပ် မျိုးမင်းထွေးရဲ့နေရာမှာ နောက်ထပ် တိုင်းမှူးအသစ်အဖြစ် ဗိုလ်မှူးချုပ်ကျော်သူရကို ခန့်အပ်လိုက်တယ်လို့ သိရပါတယ်။
ဗိုလ်ချုပ်မင်းထွေးဟာ အဂတိလိုက်စားမှုနဲ့ နမခ နယ်မြေတွေထဲက စစ်ဆင်ရေးတွေ မအောင်မြင်မှုကြောင့် စစ်ဆေးခံနေရပြီးနောက် ပြောင်းလဲမှုတွေဖြစ်ပေါ်ခဲ့တာပါ။
သူ့လက်ထက်မှာ စစ်ကိုင်းတိုင်းအတွင်းက ဗန်းမောက်မြို့ နဲ့ အင်းတော်မြို့တို့ကို KIA+PDF ပူးပေါင်းတပ်ဖွဲ့တွေက သိမ်းပိုက်ခဲ့ပြီး လက်ရှိအချိန်ထိ တိုက်ပွဲဖြစ်ပွားနေဆဲလည်းဖြစ်ပါတယ်။
စစ်ကိုင်းတိုင်းအတွင်းက ကျေးလက်ဒေသ နယ်မြေအများစုကို PDF တပ်ဖွဲ့တွေက ထိန်းချုပ်ထားဆဲဖြစ်ပြီး မြို့ငါးမြို့ကိုလည်း သိမ်းပိုက်ထားဆဲဖြစ်ပါတယ်။
ဒါ့အပြင် စစ်ကိုင်းတိုင်းအတွင်းက ရွှေမျှောတူးဖော်မှု ၊ သစ်ထုတ်လုပ်မှု တွေနဲ့ စက်သုံးဆီကိစ္စရပ်တွေမှာလည်း အဂတိလိုက်စားမှုတွေရှိခဲ့တာကြောင့် ရာထူးကနေ ဖြုတ်ချခံခဲ့ရတာလို့ဆိုပါတယ်။
သူဟာ တပ်မ ၁၁၊ လောက်ကိုင် ဒေသကွပ်ကဲမှု စစ်ဌာနချုပ်၊ ကျောက်မဲ အမှတ် ၁ စစ်ဆင်ရေးကွပ်ကဲမှု စစ်ဌာနချုပ်တွေမှာ တပ်မမှူးအဖြစ်တာဝန်ယူခဲ့ပြီး ညီနောင်မဟာမိတ်တပ်တွေရဲ့ ၁၀၂၇ စစ်ဆင်ရေးမှာ အရှေ့မြောက်ပိုင်းစစ်ဌာနချုပ်(ရမခ)ကို သိမ်းပိုက်စဉ်က လက်နက်ချအညံ့ခံခဲ့သူဖြစ်ပါတယ်။
အသစ်ခန့်အပ်လိုက်တဲ့ ဗိုလ်ချုပ်ကျော်သူရ က DSA အပတ်စဉ် ၃၉ ကဖြစ်ပြီး စစ်ဦးစီးတက္ကသိုလ် (ကလော)က ကျောင်းအုပ်ကြီးတာဝန်ခဲ့သူဖြစ်ပါတယ်။