၄၉၅နှစ်မြောက်ရှမ်းနီအမျိုးသားနေ့ကိုဗန်းမောက်မြို့နယ်မှာကျင်းပ 

မတ် ၁၃ ၊ ဗန်းမောက်

ဒီနေ့မှာ ကျရောက်တဲ့ ၄၉၅ နှစ်မြောက် ရှမ်းနီအမျိုးသားနေ့ကို ဗန်းမောက်မြို့နယ်မှာ ပြုလုပ်ကျင်းပခဲ့တယ်လို့ သိရပါတယ်။ 

ဒီပွဲကို ဒေသခံပြည်သူတွေနဲ့ ရှမ်းနီလူငယ်အဖွဲ့ချုပ်တို့က ပူးပေါင်းကျင်းပတာဖြစ်ပြီး ကပ်ရောဂါဘေးနဲ့ နိုင်ငံရေးအခက်အခဲတွေကြောင့် ပွဲတော်ကို စည်စည်ကားကားမကျင်းပနိုင်ပေမယ့် အကျဉ်းချုံ့ပြီးကျင်းပရတာဖြစ်တယ်လို့လည်းသိရပါတယ်။ 

ရှမ်းနီတိုင်းရင်းသားတွေရဲ့ စည်းလုံးညီညွတ်အားနဲ့  နိုင်ငံ ၊ မြို့ပြ တည်ထောင်ခဲ့တဲ့ ရှမ်းနှစ် ၁၆၂၁ ခုနှစ် ၊ မြန်မာ သက္ကရာဇ် ( ၈၈၈) ခုနှစ် ၊ ခရစ်နှစ် (၁၅၂၇) ခုနှစ် မတ်လ (၁၃) ရက်နေ့ကို အမျိုးသားနေ့အဖြစ် သတ်မှတ်ခဲ့ကြတာလည်းဖြစ်ပါတယ်။ 

ရှမ်းနီအမျိုးသားနေ့ကို ၂၀၁၇ ခုနှစ်က မြန်မာနိုင်ငံလုံးဆိုင်ရာ ရှမ်းနီလူငယ်များအဖွဲ့ချုပ်က ဦးဆောင်ပြီးပြုလုပ်ခဲ့ပြီးတဲ့နောက် မြန်မာတစ်နိုင်ငံလုံးက ရှမ်းနီတိုင်းရင်းသားတွေဆီကို သဘောထားဆန္ဒတောင်းခံမှုတွေပြုလုပ်ခဲ့ကြပါတယ်။ 

ဒီလိုသဘောထားတောင်းခံမှုတွေကို ငြင်းပယ်သူအနည်းငယ်တာရှိတဲ့အတွက် ၂၀၁၇ ခုနှစ်ကနေစပြီး ၂၀၂၂ ခုနှစ်အထိ ကျင်းပပြုလုပ်နေတာလည်းဖြစ်ပါတယ်။ 

ရှမ်းနီအမျိုးသားနေ့ကို ရှမ်းနီအမျိုးသားတွေရဲ့ တည်ထောင်ခဲ့တဲ့ မြို့ပြ ရေမြေတောတောင်တွေကို ထိန်းသိမ်းတတ်ဖို့ ၊ ရိုးရာယဉ်ကျေးမှုဓလေ့ထုံးတမ်းတွေကို ထိန်းသိမ်းတတ်ဖို့ ၊ ရှမ်းနီလူမျိုးတွေရဲ့ သဘောဆန္ဒတွေကို ပေါင်းစည်းဖို့ စတဲ့ ရည်ရွယ်ချက်တွေနဲ့ ပြုလုပ်ခဲ့တာလည်းဖြစ်ပါတယ်။ 

ဗန်းမောက်မြို့နယ်မှာ ဒီလိုပွဲမျိုးကို ကျင်းပတာ ဒုတိယအကြိမ်ဖြစ်လည်းဖြစ်ပါတယ်။ 

Leave a Reply

Your email address will not be published.