ဇူလိုင် ၃၀၊ ပူတာအို
ခေါင်လန်ဖူးမြို့နယ်အတွင်းဖြစ်ပွားနေတဲ့ တိုက်ပွဲကြောင့် ဒေသခံအများအပြား ပူတာအိုမြို့နယ်ထဲကို စစ်ဘေးတိမ်းရှောင်လာတယ်လို့ ဒေသခံများထံမှ သိရပါတယ်။
ဇူလိုင် ၁၀ ရက်နေ့ထဲကစလို့ ခေါင်လန်ဖူးမြို့နယ်အတွင်းမှာ စစ်တပ်၊ ပြည်သူ့စစ် နဲ့ KIA+PDF ပူးပေါင်းတပ်တို့ နှစ်ဖက်တိုက်ပွဲပြင်းထန်ခဲ့ပြီး ယခုချိန်ထိဖြစ်ပွားနေဆဲလည်းဖြစ်ပါတယ်။
KIA+PDF ပူးပေါင်းတပ်များက ခေါင်လန်ဖူးမြို့က တရုတ်နယ်စပ်မှတ်တိုင်(၃၀) အနီး စစ်တပ်ရဲ့ တပ်စခန်း(၃)ခုကို သိမ်းယူခဲ့ပြီးနောက် ဇူလိုင် (၁၇) ရက်နေ့မှာတော့ စစ်တပ်ကထပ်မံအင်အားဖြည့်ကာထိုးစစ်ဆင်ခဲ့မှုကြော င့်စစ်ရေးတင်းမာနေခဲ့တာဖြစ်တယ်လို့သိရပါတယ်။
တိုက်ပွဲဖြစ်ပွားရာ အမှတ် (၃၀) အနီးကျေးရွာက အိမ်ခြေ (၇၀)ခန့် ပူတာအိုမြို့သို့ ရက် (၂၀ ) ကျော်ခြေလျင်လျှောက်ကာ တိမ်းရှောင်ခဲ့ကြရတာဖြစ်တယ်လို့သိရပါတယ်။
ဒါ့အပြင် ဆေးဝါးနဲ့ စားဝတ်နေရေးအခက်အခဲကြုံနေရပြီး ဆွေမျိုးအိမ်များနဲ့ ဂျူဗလီကျေးရွာက ဘိန်းဖြတ်စခန်းမှာ နေထိုင်နေကြပြီး သက်ကြီးရွယ်အိုများ၊ ကိုယ်ဝန်ဆောင်မိခင်များ၊ ကျောင်းနေအရွယ်ကလေးငယ်များနဲ့ အရေးပေါ်လူနာများလည်းပါခဲ့တယ်လို့ ဆိုပါတယ်။
လက်ရှိတိမ်းရှောင်လာသူများမှာ အမတ်ပေါ်၊ ရှိန်းခေါင်နဲ့ လန်ဆယ်ကျေးရွာကဒေသခံတွေ အများဆုံးဖြစ်ပါတယ်။
အဆိုပါ ဒေသများဟာ လမ်းပန်းဆက်သွယ်ရေးအလွန်ခက်ခဲပြီး မဂွေဇရွာနဲ့ ခေါင်လန်ဖူးဒေသလမ်းပိုင်းကို တံတားများဆောက်လုပ်မှုများရှိခဲ့သော်လည်း ရာသီဥတု ဆိုးရွားမှုကြောင့် နှစ်စဉ် စားဝတ်နေရေးပြတ်တောက်မှုများ ဖြစ်ပေါ်လေ့ရှိတာလည်းဖြစ်ပါတယ်။