ဧပြီ ၂၆ ၊ ရန်ကုန်
CDM ဝင်ထားတဲ့ ရဲတပ်ဖွဲ့ဝင် ၂၉၃၇ ဦးရှိနေပြီဖြစ်တယ်လို့ NUG က မနေ့က ဧပြီလ ၂၅ ရက်နေ့မှာ ထုတ်ပြောလာခဲ့ပါတယ်။
မြန်မာနိုင်ငံရဲတပ်ဖွဲ့ကနေ CDM ပြုလုပ်ထားတဲ့ ရဲတပ်ဖွဲ့ဝင်အင်အား ခြောက်ထောင် နဲ့ ခုနှစ်ထောင်ကြားမှာရှိနေပြီး NUG ရဲ့ ပြည်ထဲဲရေးနဲ့ လူဝင်မှုကြီးကြပ်ရေးဝန်ကြီးဌာနကို မချိတ်ဆက်ရသေးတာတွေလည်းရှိတယ်လို့ဆိုပါတယ်။
ဝန်ကြီးဌာနကို မချိတ်ဆက်ရေသေးတဲ့ CDM ဝန်ထမ်းတွေကို လာရောက်ချိတ်ဆက်ဖို့ဆောက်ရွက်ဖို့လည်း အသိပေးထားပါတယ်။
စစ်ကောင်စီထံ ပူးပေါင်းတာဝန်ထမ်း ဟန်ဆောင်ပြီး ပြည်သူ့ဘက်ရပ်တည် နေတဲ့ Pre-CDM ရဲတပ်ဖွဲ့ဝင် အင်အားက (၃၄) ဦးရှိနေတယ်လို့လည်းဆိုပါတယ်။
NUG ထုတ်ပြန်တဲ့ ရဲတပ်ဖွဲ့ CDM စာရင်းမှာ ရဲမှူး (၂) ဦး ၊ ဒုရဲမှူး (၁၂) ဦး ၊ ရဲအုပ် ( ၄၄) ဦး အထိပါဝင်ပြီး တခြား တပ်သားနှစ်ထောင်ကျော် ၊ အကျဉ်းဦးစီးဌာနကလည်း (၃၀) ဦးထိပါဝင်နေတာကို တွေ့ရပါတယ်။
ကျန်ရှိနေတဲ့ ရဲတပ်ဖွဲ့ဝင်တွေကိုလည်း ပြည်သူ့ရင်ခွင်ကို ခိုလှုံဖို့ ပြောဆိုထားပြီး စစ်ကောင်စီနဲ့ ပူးပေါင်းလုပ်ကိုင်နေသေးရင် ပြည်သူအပေါ်အကြမ်းဖက်ရာ သက်ရောက်နေတယ်လို့ မှတ်ယူပြီး တရားဥပဒေနဲ့အညီ အပစ်ပေးအရေးယူခံရမယ်လို့ ဆိုပါတယ်။