ကောလင်းမြို့ပေါ်ရပ်ကွက်များကို Covid19 ကြောင့် သွားလာခွင့်ကန့်သတ်ပိတ်ပင်ထား

စစ်ကောင်စီတပ်များ ရပ်ကွက်လမ်းမများအတွင်း စစ်ဆေးနေစဉ်

ဩဂုတ် ၁၈ ၊ ကောလင်း

ကောလင်းမြို့ပေါ်ရပ်ကွက် (၈)ခုကို ဩဂုတ်လ (၁၁) ရက်မှစပြီး (၂၄) ရက်နေ့အထိ သွားလာခွင့်ကို နံနက် ၄ နာရီ မှ ၁၂ နာရီအထိသာ ခွင့်ပြုထားပြီး ကျန်သည့်အချိန်များကို သွားလာခွင့် ကန့်သတ်ထားကြောင်းသိရသည်။

ကောလင်းမြို့ကို တစ်ရက် (၈)နာရီသာ ဝင်ထွက်သွားလာခွင့်ပြုထားပြီး ကျန်သည့်အချိန်များတွင် ကျန်းမာရေးကိစ္စနှင့် အသုဘကိစ္စရပ်များအတွက်သာ ခွင့်ပြုကြောင်း ဒေသခံများကပြောသည်။

သွားလာခွင့်ကန့်သတ်ထားသည့်အချိန်တွင် သွားလာသူများကိုအရေးယူရန်အတွက် စစ်ကောင်စီတပ်များကို အစောင့်ချထားကြောင်း ဒေသခံများထံမှ သိရသည်။​

ကောလင်းမြို့ထွေအုပ်က ထုတ်ပြန်ထားသည့် အမိန့်ကြေညာစာတွင် သွားလာကန့်သတ်မှုစည်းမျဉ်းစည်းကမ်းများကို ချိုးဖောက်ပါက ကူးစက်ရောဂါများ ကာကွယ်နှိမ်နင်းရေးဥပဒေအရ အရေးယူမည်ဟု ဆိုထားသည်။

Leave a Reply

Your email address will not be published. Required fields are marked *