ဧပြီ ၉ ၊ ဝါရှင်တန်
စစ်ကောင်စီရဲ့ ရာဇဝတ်ကျူးလွန်တွေအပေါ် တရားမျှတမှု ဖော်ဆောင်နိုင်ဖို့နဲ့ မြန်မာ့ဒီမိုကရေစီအရေးအတွက် ပိုမိုကူညီလုပ်ဆောင်နိုင်ဖို့ အမေရိကန်နိုင်ငံခြားရေးဝန်ကြီးဌာန အထူးအကြံပေး မစ္စတာ ချောလက် နဲ့ NUGက ဝန်ကြီးအဖွဲ့တွေတွေ့ဆုံခဲ့တယ်လို့သိရပါတယ်။
အမေရိကန်ကိုရောက်နေတဲ့ NUG က ဝန်ကြီးတွေဖြစ်တဲ့ ဦးအောင်မျိုးမင်း ၊ နိုင်ငံခြားရေး ဒုဝန်ကြီး ဦးမိုးဇော်ဦး နဲ့ အဖွဲ့က ဒီနေ့မှာသွားရောက်တွေ့ဆုံခဲ့တာဖြစ်တဲ့အကြောင်း ဝန်ကြီးဦးအောင်မျိုးမင်းက သူ့ရဲ့လူမှုကွန်ရက်ပေါ်ကနေ ဒီနေ့ ဧပြီလ (၉) ရက်နေ့မှာ အသိပေးလာပါတယ်။
အမေရိကန်ဘက်က မြန်မာနိုင်ငံက လူတစ်ဦးချင်းစီအတွက် လူ့အခွင့်အရေးတွေကိုမြင့်တင်ဖို့ ၊ တိုင်းရင်းသားစည်းလုံးညီညွတ်ရေးတွေအတွက် NUG နဲ့ တွေ့ဆုံရတာဖြစ်ပြီး စစ်တပ်ရဲ့ ရက်စက်ကြမ်းကြုပ်မှုတွေကို တာဝန်ယူမှုတွေရှိလာအောင် အမေရိကန်အနေနဲ့ ဆက်လက်ကြိုးစားလုပ်ဆောင်သွားမှာဖြစ်တယ်လို့ U.S. Asia Pacific Media Hub မှာ ထုတ်ပြန်ထားပါတယ်။
အမေရိကန်မှာက ဗျူရို (Bureau) of Democracy, Human Rights and Laborရဲ့ လက်ထောက်နိုင်ငံခြားရေးဝန်ကြီး (Lisa Jessica Stern တို့နဲ့ အမေရိကန်နိုင်ငံခြားရေးဌာနမှာ တွေ့ဆုံခဲ့ပြီး ဒီမိုကရေစီနဲ့ လူအခွင့်ရေးအတွက် လုပ်ဆောင်နေတဲ့ မြန်မာနိုင်ငံကပြည်သူတွေအတွက် ထောက်ပံ့မှုတွေကို ဆက်လက်ပေးအပ်သွားမဲ့ဆိုတဲ့ သတင်းကောင်းပေးချင်ပါတယ်လို့ ဦးအောင်မျိုးမင်းက ဆိုထားပါတယ်။
အမေရိကန်အောက်လွတ်တော်ကလည်း မြန်မာစစ်တပ်ကိုပိုအရေးယူနိုင်ဖို့အတွက် Burma Act 2021 ကို အတည်ပြုထားပြီး အထက်လွတ်တော်နဲ့ သမ္မတက လက်မှတ်ရေးထိုးအတည်ပြုပေးဖို့တာကျန်ရှိတာလည်းဖြစ်ပါတယ်။