ဇူလိုင် ၂၁ ၊ တာမခံ
ဖားကန့်မြို့နယ် တာမခံကျေးရွာအတွင်း Covid19 ကူးစက်မှုမြင့်မားနေပြီး ကျန်းမာရေးဝန်ထမ်းများလည်း မရှိကြောင်း သိရသည် ။
“ ၆၀ လောက်ရှိတယ် ။သေတာက ၁၂ယောက်လောက်ရှိတယ်။ ဒီနေ့လည်း ၂ယောက်ရှော(သေ) တယ် ။တော် တော်ဆိုးတဲ့အထဲမှာပါတယ်” ဟု ဒေသခံတစ်ဦးကရှမ်းနီအသံကိုပြောသည်။
Covid19ရောဂါတားဆီးကာကွယ် ရေး နှင့် စစ်ဆေးမှုများကို မေတ္တာနာရေးကူညီမှုအသင်း နှင့် ဒေသခံကြက် ခြေနီများကဆောင်ရွက် ပေးလျက်ရှိနေသည်။
တာမခံတွင်ဆေးခန်းများ နှင့် ဆေးဆိုင်များလည်း ပိတ်ထားကြကြောင်း သိရသည်။
“ အခုက မိုးလည်းရွာတော့ နည်းနည်းလည်းစိုစွတ်ပြီးတော့ အဖျားထိမှာလည်းစိုးရိမ်ရတယ် အဖျားထိလို့ ပရာစီတမောလေးသောက်ချင်ရင်တောင်ဆေးဝယ်ဖို့ခက်ခဲတယ် ဆေးခန်းကလည်း မဖွင့်ဘူးကွာ” ဟု ဒေသခံ ကိုကျောက်ဒိုင်က ဆိုသည်။
Covid19 ကူးစက်ခံရသူများတွင်လည်း ကြက်ခြေနီများလည်းပါဝင်ကြောင်း သိရသည်။
ဖားကန့်မြို့နယ်ကို Stay at Home အစီအစဉ်၌ပါဝင်ကြကြောင်း ဇူလိုင်လ ၂၀ ရက်နေ့ညတွင် စစ်ကောင်စီက ကြေညာခဲ့သည်။