အောက်တိုဘာ ၂၇ ၊ ဖောင်းပြင်
စစ်ကိုင်းတိုင်းဒေသကြီး ဖောင်းပြင်မြို့နယ်ရှိ ကရားကျေးရွာ နှင့် သာစည်ကျေးရွာကြားတွင် ချင်းတွင်းမြစ်ကမ်း ထိန်းသိမ်းပြုပြင်မည်ဟု ခေါင်းစဉ်တပ်ပြီး
တရားမဝင် ရွှေမျှောတူးဖော်မှုများပြုလုပ်ရန်အတွက် ပြင်ဆင်မှုများရှိနေသည်ဟု ဒေသခံများက ပြောသည်။
“ ကျေးရွာအုပ်ချုပ်ရေးမှုနဲ့ အပေါင်းပါတွေက ရွာနီးလုပ်ရှင်တွေနဲ့ ဆွဲဆောင်ရင်ပါနိုင်လောက်တဲ့ သူတွေကို စည်းရုံးရေးဆင်းနေတယ်။
မြို့နယ်လူတွေနဲ့လည်း ခွင့်ပြုချက်ရထားပြီပြီး ရွာကလက်မခံလည်းအခွင့်ရေး ဆုံးရှုံးမှာဘဲရှိတယ်လုပ်ကြမှာဆိုပီး လုပ်ဆောင်နေတာ ။အချို့ လုပ်ငန်းရှင်တွေက. အခွင့်ကောင်းကိုစောင့်နေကြတာ မကြာမှီ အကောင်ထည်ဖော်မယ်ဆိုတာ သိရတယ်“ ဟု ကရားဒေသခံတစ်ဦးက ပြောသည်။
ကမ်းထိန်းနံရံကို လွန်ခဲ့သည့် အစိုးရလက်ထက်က နှစ်အလိုက်ပြုပြင်ထိန်းသိမ်းမှုများ ဆောင်ရွက်ခဲ့ကြောင်းသိရသည်။
လက်ရှိ ကျေးရွာနှစ်ခုကြားတွင် ရွှေမျှောတူးဖော်ရန် ရွှေမျှောအရေအတွက် ၃၀ နှင့် ၄၀ ကြားတွင်ရှိနေကြာင်းလည်း ၎င်းကဆက်ပြောသည်။
ကရားကျေးရွာ နှင့် သာစည်ကျေးရွာတွင် သမ္မတဦးသိန်းစိန်လက်ထက်က တရားမဝင်ရွှေမျှောတူးဖော်မှုများရှိပြီး ရေလွဲပေါက်များပေါ်ပေါက်ခဲ့ကာ ကရားအုပ် ၊ အင်းလယ် စသည့်ကျေးရွာမှ လယ်ယာမြေများ ပျက်စီးခဲ့ကြောင်းသိရသည်။