ဩဂုတ် ၉ ၊ ရန်ကုန်
ရေဘေးဒုက္ခကြုံနေရတဲ့ ကချင်ပြည်နယ်၊ စစ်ကိုင်းတိုင်းဒေသကြီး၊ကရင်ပြည်နယ်၊ ပဲခူးတိုင်းဒေသကြီးနဲ့ မကွေးတိုင်းဒေသကြီးအတွင်းက လူဦးရေ(၁၂၀၀၀၀)အတွက် ကုလသမကကမ္ဘာ့စားနပ်ရိက္ခာအဖွဲ့ (WFP)က လှူဒါန်းမှုများရှိခဲ့တယ်လို့ သိရပါတယ်။
ထောက်ပံ့ပေးခဲ့မှုတွင် ငွေသား၊ဆန်၊အဟာရမှုန့်တွေ၊ အဟာရဖြည့်ဘီစကွတ်တွေဖြစ်ပြီး ဒီရေကြီးရေလျှံမှုဖြစ်ပွားနေတဲ ဒေသတွေမှာ လူဦးရေစုစုပေါင်း (၈၅၅,၀၀၀)နေထိုင်နေကြတာဖြစ်ကာ ဆယ်ပုံပုံ တစ်ပုံခန့်ကိုသာ ကူညီပေးနိုင်ခဲ့တာလည်း ဖြစ်ပါတယ်။
လူဦးရေ နှစ်သိန်းကျော်ဟာလည်း ရေကြီးရေလျှံမှုတွေကြောင့် ယာယီနေရပ်စွန့်ခွာ တိမ်းရှောင်ခဲ့ကြရတာပါ။
“ အခု ၈လ ကျော်ပြီးတဲ့နောက်ကကြတော့ ကိုယ်ဟာကိုရှာစားနေရတာ ဒါပေမယ့် အခုတလောကကမ္ဘာစားနပ်ရိက္ခာအဖွဲ့ (၇ )လ တစ်ရက်နေ့ကစလို့ လာဝေတယ် ။ အခုနောက်လာထောက်ပံ့တာကြတော့ ကမ္ဘာစားနပ်ရိက္ခာအဖွဲ့က လာထောက်ပံ့တာ။ ပထမတုန်းကတော့ အဆင်ပြေတယ် အခုနောက်တော့ ရိက္ခာတွေကကိုယ်အလုပ်နဲ့ကိုယ်ရှာပြီးစားနေရတာပါရှင့်။ ” လို့ စစ်ကိုင်းတိုင်း၊ဟုမ္မလင်းမြို့နယ်အတွင်းက အမျိုးသမီးတစ်ဦးက ရှမ်းနီအသံကို ဖြေကြားခဲ့ဖူးပါတယ်။
ပြီးခဲ့တဲ့လက WFP ဟာ ဟုမ္မလင်းမြို့နယ်ရှိ ရေဘေးသင့်ဒေသခံ ကျေးရွာ ဆယ်နှင့်ချီကို စားနပ်ရိက္ခာကူညီမှုတွေရှိခဲ့ပြီး စာရင်းအတိအကျကိုတော့ မသိရှိရပါဘူး။
“ နိုင်ငံတဝန်းမျာ လူဦးရေပေါင်း ၁၃ သန်းဟာစားနပ်ရိက္ခာအခက်အခဲတွေနဲ့ ရုန်းကန်နေရတဲ့အချိန်မှာ အခုလို ရေဘေးဖြစ်တာကြောင့် သူတို့တွေအနေနဲ့ ပိုပြီး ထိခိုက်လွယ်တဲ့ အခြေအနေကိုရောက်ကြရတယ်” လို့ WFP ရဲ့ မြန်မာနိုင်ငံဆိုင်ရာ ကိုယ်စားလှယ် မစ္စတာ ပိုလိုမာတီက ပြောပါတယ်။
မြန်မာနိုင်ငံက ပြည်နယ် နဲ့ တိုင်းဒေသကြီးတွေမှာ ဇူလိုင်လကစ ဩဂုတ်လ ၆ ရက်နေ့အထိ လူပေါင်း ၈၅၅,၀၀၀ ခန့်ဟာ ရေကြီးရေလျှံမှုဖြစ်ပွားတဲ့ဒေသတွေမှာ နေထိုင်ကြတာလည်းဖြစ်ပါတယ်။