ဟုမ္မလင်းကက်သာကျေးရွာကနေအိမ်နှစ်လုံးမီးလောင်ကျွမ်းပြာကျ

မေ ၂၂ ၊ ဟုမ္မလင်း

ဟုမ္မလင်းမြို့နယ် ကက်သာကျေးရွာအလယ်က နေအိမ်နှစ်လုံး မေလ ၂၁ ရက်နေ့ နေ့လည်ပိုင်းမှာ မီးလောင်ကျွမ်းမှုပျက်စီးခဲ့တယ်လို့ သိရပါတယ်။ 

မနေ့က မီးလောင်ကျွမ်းမှုဖြစ်ပွားမှုနဲ့ပတ်သက်ပြီး ကက်သာကျေးရွာသာ ကိုဖိုးလုံးပြောပြတာက 

.”  စျေးဆိုင်တွေရှိတဲ့  ဒီဇယ်တွေရှိတဲ့ အိမ်ဘက်က ဘာမှမဖြစ်ပဲနဲ့  လူမနေတဲ့အိမ်ဘက်က ပေါက်ကွဲသံ တစ်ခုတော့ကြားရတယ်။​ ဗုံးကနဲ့တစ်ချက်ကြားပြီးမှ  ဖောက်ဖောက်ဖောက်ဖောက့်ပြီးမှ အိမ်ပေါ်ထပ်က စလောင််တယ်လို့လည်း ပြောတယ်။  အဲ့လိုဖြစ်တာ၊ အိမ်အောက်ထပ်မှာလည်းသူတို့ပစ္စည်းတွေထားတယ်ဆိုတော့ သော့ကိုလိုက်ရှာလိုက်ရှာနဲ့  မီးအားကောင်းသွားတော့မနိုင်တော့ဘူးဖြစ်သွားတော့တာ” လို့ သူကဆိုပါတယ်။ 

မီးစတင်လောင်ကျွမ်းတဲ့အိမ်က လူနေထိုင်ခြင်းမရှိတဲ့ အိမ်ဖြစ်ပြီး သော့ပိတ်ထားကာ သူ့အိမ်ဘေးက အိမ်က စျေးရောင််းဝယ်မှုတွေပြုလုပ်တဲ့အိမ်ဖြစ်တယ်လို့ဆိုပါတယ်။ 

မနေ့က မီးလောင်ကျွမ်းမှုမှာ နေအရှိန်ပြင်းနေတဲ့ အချိန်ဖြစ်တဲ့အပြင် ကက်သာကျေးရွာက မီးသတ်ကားကလည်း ဘက်ထရီမရှိတာကြောင့် လာရောက်ငြိမ်းသတ်ဖို့အခက်အခဲတွေရှိတာကြောင့်  အိမ်နှစ်လုံးမီးလောင်ကျွမ်းပြာကျခါနီးမှ  မီးသတ်ကားတွေ လာရောက်နိုင်ခဲ့တာလို့လည်း ပြောဆိုပါတယ်။

မီးသတ်ကားတာ အချိန်မှီရောက်လာနိုင်ရင် ဒီလိုဆုံးရှုံးမှုတွေမဖြစ်လာနိုင်ဘူးလို့လည်း ပြောဆိုပါတယ်။ 

“ မီးသတ်ကားကရှိတယ်။ မီးသတ်ကားနဲ့ မီးလောင်တဲ့အိမ်က ခန့်မှန်းခြေသိပ်မဝေးဘူး ၊ ၂ မိနစ်မောင်းရင်ရောက်လောက်တယ်။ ကားက ဘက်ထရီအိုးမရှိလို့ မလာနိုင်ဘူးဖြစ်နေတာတဲ့ ၊ အဲ့တာဟုမ္မလင်းမီးသတ်ကားခေါ်ယူရတာပေါ့။ အိမ်က ဆုံးရှုံးမှုဖြစ်သွားတယ်ဆိုတာက ကက်သာမီးသတ်ကားက ဘက်ထရီအိုးမရှိလို့ မလာနိုင်တာက ဆိုးသွားတာ “ လို့ ကိုဖိုးလုံးက ပြောပါတယ်။ 

ဟုမ္မလင်းမြို့မှာ မီးလောင်ကျွမ်းမှု ဖြစ်ပွားလေ့မရှိသော်လည်း ၂၀၁၃ ခုနှစ်က နမ့်တောစံပြကျေးရွာမှာ နေအိမ် ၁၀၀ ကျော်အထိ မီးလောင်ကျွမ်းမှုတစ်ခုလည်းဖြစ်ပွားခဲ့ဖူးပါတယ်။ 

Leave a Reply

Your email address will not be published.