ဧပြီ ၁၉ ၊ ဟုမ္မလင်း
သင်္ကြန်ကာလ အကြိုကတည်းက လမ်းပန်းဆက်သွယ်ရေးအခက်အခဲတွေကြောင့်လို့ဆိုပြီး ဟုမ္မလင်းမြို့မှာ ဓာတ်ဆီတစ်လီတာ သုံးထောင်ကျပ် အထိမြင့်တက်နေတာကနေ ပြန်မကျသေးဘူးလို့ ဒေသခံတွေဆီကနေသိရပါတယ်။
“ ဒီမှာက သင်္ကြန်အစကတည်းက တစ်လီတာကို သုံးထောင်ပေးရတယ်၊ ဘယ်လိုဆီဖြစ်ဖြစ် ၊ 92 ရော တခြား အရည်အသွေးနိမ့်တဲ့ ဆီအနီရောင်တစ်မျိုးရောပဲ၊ အဲ့တာတွေလည်းသုံးထောင်ပဲ၊ တောင်သူလုပ်နေတဲ့သူတွေက ဆီဖိုးနဲ့ပဲ မွဲနိုင်တယ် အခုကရေကအမြဲတင်နေရတာအခုအချိန်က “ လို့ တောင်သူတစ်ဦးက ဆိုပါတယ်။
မတ်လအစကတည်းက ဟုမ္မလင်းမြို့မှာ စက်သုံးဆီစျေးနှုန်းတွေက တရိပ်ရိပ်မြင့်တက်လာခဲ့တာတယ်လို့လည်း စုံစမ်းသိရှိရပါတယ်။
ဒီလိုမြင့်တက်လာမှုတွေကြောင့် စိုက်ပျိုးရေးတောင်သူတွေကိုလည်း ကြံ့ကြံခံနေရတယ်လို့လည်း တောင်သူတွေက ပြောဆိုကြပါတယ်။
ဟုမ္မလင်းမြို့နယ်အတွင်းကို စက်သုံးဆီတွေက ကုန်းလမ်း ၊ ရေလမ်းနဲ့ သယ်ယူပို့ဆောင်နေကြပေမယ့် ဟုမ္မလင်း -ဖောင်းပြင် ၊ ပင်လည်ဘူး စတဲ့ လမ်းပိုင်းတွေမှာ တိုက်ပွဲတွေဖြစ်ပွားနေသလို ချင်းတွင်းမြစ်ကြောင်းမှာလည်း တိိုက်ပွဲဖြစ်ပွားတာကြောင့် စျေးနှုန်းတွေက ပုံမှန်ထက်မြင့်တက်တာဖြစ်တယ်လို့ ဒေသတွင်းမှာပြောဆိုနေကြပါတယ်။
ဟုမ္မလင်းမြို့မှာ ၂၀၂၁ ခုနှစ်မှာလည်း တစ်ဂါလံကို တစ်သောင်းကျော်အထိမြင့်တက်ခဲ့ဖူးပါတယ်။