သြဂုတ်(၇)၊ ISP Myanmar
တော်လှန်ရေးတပ်ဖွဲ့တွေသိမ်းပိုက်ထားတဲ့ မြို့တွေထဲက (၂၂)မြို့ကို အခု(၂၀၂၆)ခုနှစ် နှစ်ဝက်အတွင်းမှာ စစ်တပ်က ပြန်လည်သိမ်းယူနိုင်ခဲ့တယ်လို့ မြန်မာ့မဟာဗျူဟာနဲ့ မူဝါဒလေ့လာရေးအင်စတီကျူ့(ISP Myanmar) ရဲ့ အစီရင်ခံစာအရ သိရပါတယ်။
သြဂုတ်လ(၃)ရက်နေ့ ထုတ်ပြန်ခဲ့တဲ့ အစီရင်ခံစာမှာ စစ်တပ်က (၂၀၂၁)ခုနှစ်ကနေစပြီး သူတို့ဆုံးရှုံးခဲ့တဲ့ နယ်မြေတွေရဲ့ (၈)ရာခိုင်နှုန်းကျော်၊ (၉)ရာခိုင်နှုန်းနီးပါးကို အခုနှစ်(၆)လအတွင်းမှာ ပြန်ရယူနိုင်ခဲ့ကြောင်း ဆိုထားပါတယ်။
ရှမ်းပြည်နယ်မြောက်ပိုင်းက ကိုးကန့်တပ်ဖွဲ့(MNDAA က သိမ်းခဲ့တဲ့ လားရှိူးမြို့၊ တအာင်း/ပလောင်တပ်ဖွဲ့TNLA သိမ်းပိုက်ခဲ့တဲ့ မိုးမိတ်မြို့နဲ့ မန္တလေးတိုင်းထဲက မိုးကုတ်မြို့ စတဲ့(၃)မြို့ကိုတော့ တရုတ်နိုင်ငံရဲ့ကြားဝင်ညှိနှိုင်းမှုကြောင့် စစ်တပ်ကိုပြန်ပေးခဲ့ရပါတယ်။
ဒီ(၃)မြို့ကို ၂၀၂၄ ခုနှစ်မှာ PDF တပ်ဖွဲ့များနဲ့ပူးပေါင်းပြီး သိမ်းယူနိုင်ခဲ့တာဖြစ်သလို (၁)နှစ်ကျော်သာထိန်းချုပ်နိုင်ခဲ့ကြပြီး ၂၀၂၅ ခုနှစ်ကုန်ပိုင်းမှာ စစ်တပ်ကပြန်လည်ရရှိခဲ့တာပါ။
ကျန်တဲ့ (၁၉)မြို့ကိုတော့ စစ်ကော်မရှင်တပ်ဖွဲ့က တိုက်ခိုက်သိမ်းပိုက်ခဲ့တာဖြစ်ကြောင်း သိရပါတယ်။
စစ်တပ်ဘက်ကနေ အများဆုံးပြန်တိုက်ယူနိုင်ခဲ့တဲ့ထဲ မန္တလေးတိုင်းက မြို့တွေနဲ့ ချင်းပြည်နယ်ကမြို့တွေပါဝင်ပါတယ်။
ပြီးခဲ့တဲ့ ၆ လအတွင်းက စစ်တပ်က မန္တလေးတိုင်းက မတ္တရာ၊ စဉ့်ကူး၊သပိတ်ကျင်း၊ တကောင်းမြို့တွေနဲ့ စစ်ကိုင်းတိုင်းထဲက ဗန်းမောက်၊ ထီးချိုင့်၊အင်းတော်၊ မော်လူးမြို့ တို့ပါဝင်တာလည်းဖြစ်ပါတယ်။
(၂၀၂၁)ခုနှစ်ကနေ (၂၀၂၄ ) ခုနှစ်အထိ တော်လှန်ရေးတပ်ဖွဲ့များက မြို့ပေါင်း(၁၀၁)မြို့ကို သိမ်းယူနိုင်ခဲ့တာဖြစ်ပြီး အခု(၂၂)မြို့ကို လက်လွှတ်ထားရပြီးဖြစ်သလို ရခိုင်ပြည်နယ်၊ချင်းပြည်နယ်၊ ရှမ်းပြည်နယ်တို့မှာသာ အများဆုံးထိန်းချုပ်နိုင်တော့တာလည်း ဖြစ်ပါတယ်။
ပြီးခဲ့တဲ့ (၂၀၂၅)ခုနှစ်ကနေစပြီး တော်လှန်ရေးတပ်ဖွဲ့တွေဟာ သိမ်းပိုက်ထားတဲ့မြို့တွေမှာ ခံစစ်တိုက်ခိုက်မှုတွေသာပြောင်းလဲခဲ့ရပြီး နယ်မြေအသစ်သိမ်းယူနိုင်ခြင်းတွေမရှိတော့သလို စစ်ကော်မရှင်ဘက်ကတော့ လေကြောင်းတိုက်ခိုက်မှုတွေနဲ့ ပြင်းထန်တဲ့ထိုးစစ်ဆင်မှုတွေ ပြုလုပ်နေတာလည်းဖြစ်ပါတယ်။