ဩဂုတ် ၁ ၊ အင်းတော်ကြီး
အင်းတော်ကြီးဒေသ ပန်းလားကျေးရွာ အမက(မူလွန်) ကျောင်းကို ကျောင်းဆက်ဖွင့်နေရင် ဗုံးခွဲမယ်လို့ ခြိမ်းခြောက်ကြောင်း ကျောင်းသားမိဘတွေဆီကနေ သိရပါတယ်။
“ မနေ့ည ( ဇူလိုင်၃၁ရက် ) မှာကလေးငါးခြောက်ရောက်လာတယ်တဲ့ ကျောင်းနားအိမ်နီးနားတွေကကိုယ့်ရဲ့ရွာသားတွေပဲထင်လို့ဘာမှမပြောတာတဲ့နောက်ပိုင်းကျမှပြောတာ၊ဒီလိုရေးတာကို မနက်ကျမှာသိတာ၊ည၁၁၁၂လောက်လို့ပြောတယ် ” လို့ပန်းလားကျေးရွာသားတစ်ဦးကပြောပြပါတယ်။
ကျောင်းသူ/သား တစ်ရာကျော် ပညာသင်ကြားနေတဲ့ ကျောင်းနံရံမှာ “ ကျောင်းပိတ် မပိတ်ရင်ပိတ် မပိတ်ရင်ဗုံးခွဲမယ်” လို့ မှုတ်ဆေးနဲ့ ရေးသွားတာလည်းဖြစ်ပါတယ်။
ဒီလိုခြိမ်းခြောက်မှုက အင်းတော်ကြီးဒေသမှ ပထမဆုံးအကြိမ်လည်းဖြစ်ပါတယ်။
ခြိမ်းခြောက်မှုတွေရှိနေပေမယ့်လည်း ကျေးရွာသားတွေက ကျောင်းကို ဆက်လက်ဖွင့်လှစ်ထားတယ်လို့ သိရပါတယ်။
ပန်းလားကျေးရွာက အင်းတော်ကြီး အင်းမြှီးဒေသမှာရှိတဲ့ ရွာတစ်ခုဖြစ်ပြီး ရှမ်းနီတိုင်းရင်းသားအများဆုံးနေထိုင်တဲ့ ကျေးရွာတစ်ခုလည်းဖြစ်ပါတယ်။