ဇူလိုင် ၃၀ ၊ ဖားကန့်
ကချင်ပြည်နယ် ၊ ဖားကန့်မြို့နယ်အတွင်းကို ဝင်ရောက်နိုင်ဖို့ တစ်ခုတည်းသာရှိတော့တဲ့ အင်းတော်ကြီး-ဝှေခါလမ်းပိုင်းပိတ်ပင်မှု (၂)ပတ်ကျော်ကြာမြင့်လာခဲ့ပြီး လက်ရှိကြက်ဥတစ်လုံးကို (၃)ထောင်ကျပ်အထိ စျေးမြင့်တက်နေတယ်လို့ ဒေသခံများထံမှ သိရပါတယ်။
စားသုံးကုန်စည်အားလုံးနီးပါး ပြတ်လတ်နေပြီး ကြက်သားတစ်ပိဿာ တစ်သိန်းကျပ်၊ ငရုတ်သီးခြောက်တစ်ပိဿာ တစ်သိန်းကျပ်၊ခရမ်းချဉ်သီးတစ်ပိဿာ ၆သောင်းကျပ်၊ ဝက်သား တစ်ပိဿာကိုကျပ်(၇)သောင်းခွဲနဲ့ အမဲသား တစ်ပိဿာ ၆ သောင်းခွဲကျပ်အထိ စျေးပေါက်နေတယ်လို့ ဆိုကြပါတယ်။
“ ပစ္စည်းကတော့ ဘာမေးမေးဝယ်လို့မရတော့ဘူးလေ အသားခြောက်လည်းဝယ်လို့မရတော့ဘူး လူစားသောက်ကုန်ပစ္စည်းအတော်များများ ဘာမှဝယ်လို့မရတော့တာ ဆန်ဆို ဆင်း-၃ (ဆင်းဧကရီ-၃) တစ်အိတ်ကို (၂)သိန်းရှိတယ် လောလောဆယ်အဲ့ဆင်း-၃ ဆန်တစ်ခုပဲရတယ် ဆန်အမာဆို ဝယ်ဖို့မစဉ်းစားနဲ့တော့ ပြတ်လတ်သွားပြီ လောလောဆယ်စက်သုံးဆီတွေကတော့ စျေးတက်တာကလွဲလို့ပြတ်လတ်တာမရှိသေးဘူး အဓိကပြတ်တာက စားသုံးကုန်ပဲပြတ်တာ” ဟု ဖားကန့်မြို့ခံတစ်ဦးက ပြောပြပါတယ်။
ဒီစားသုံးကုန်တွေဟာလည်း စျေးနှုန်းသာရှိနေပြီး ပစ္စည်းတွေက မရှိသလောက် ရှားပါးပြတ်လတ်နေတာဖြစ်ကြောင်း သိရပါတယ်။
ပုံမှန်အချိန်တွေမှာ အလွယ်တကူဝယ်ယူရရှိနိုင်တဲ့ အခြေခံစားသောက်ကုန်ဖြစ်တဲ့ ငပိအထုပ်တွေတောင် ဝယ်ယူရရှိဖို့ ခက်ခဲနေပြီး အခုလိုဖြစ်ပွားနေတာကြောင့် စားသုံးကုန်ရောင်းချတဲ့ စျေးဆိုင်အားလုံးနီးပါးလည်း ပိတ်ထားရတယ်လို့ ဆိုပါတယ်။
“ ခက်ခဲတယ်တော်တော်လေးကို ခက်ခဲတယ်ပြောမပြတတ်လောက်အောင်ကို ခက်ခဲသွားကြပါတယ် ဟိုအရင်ကိုဗစ်ကာလကြီးခက်ခဲတယ်ဆိုတာ လက်ရှိဒီကာလကို ဘယ်မှီမလဲ လက်ရှိဒီကာလက တော်တော်လေးကိုဝဋ်ကြွေးပါတယ် ဝဋ်ကိုတော်တော်ကြီးတယ်ပြောရမယ်’ ဟု ဆိပ်မူဒေသခံ အမျိုးသားတစ်ဦးက ပြောပြပါတယ်။
ဖားကန့်မြို့နယ်အတွင်းကို ဝင်ရောက်နိုင်တဲ့ လမ်းပိုင်းနှစ်ခုရှိတဲ့အနက် မိုးကောင်း-ဖားကန့်လမ်းပိုင်းကို စစ်ကောင်စီတပ်ဖွဲ့များဘက်မှ ပိတ်ပင်ထားတာ နှစ်လခန့်ကြာမြင့်နေပြီဖြစ်သလို အခု အင်းတော်ကြီး-ဝှေခါ-ဖားကန့်လမ်းပိုင်းဖြတ်သန်းခွင့်ကိုတော့ စစ်ကောင်စီ နှင့် KIA+PDF တပ်ဖွဲ့များက ပိတ်ပင်တာလည်း