ဖောင်းပြင်မြို့နယ်ရောင်းဟီးကျေးရွာကနေအိမ်၂၁အိမ်ကိုပျူစောထီးတွေမီးရှို့

မေ ၁၀ ၊ ဖောင်းပြင် 

စစ်ကိုင်းတိုင်းဒေသကြီး အထက်ပိုင်း ဖောင်းပြင်မြို့နယ် ရဟီးကျေးရွာက နေအိမ် ၂၁အိမ်ကို ပျူစောထီးတွေက မေလ ၈ ရက်နေ့မှာ မီးရှို့သွားတယ်လို့ ဒေသခံတွေဆီကနေသိရပါတယ်။ 

“ သတင်းကလည်းတိကျခိုင်လုံတယ်။ မီးရှို့တာလည်းမှန်တယ်။ ချောင်းဂွရယ်၊ ရွှေညောင်ပင် ၊ တပ်ကနေပြီးတော့ လက်နက်ထုတ်ပေးထားတယ်လို့ ၊သတင်းရတယ်။  ရောင်းဟီးမှာတစ်ယောက်ကျတယ်။ ဒဏ်ရာရတဲ့ သူကိုပင်လည်ဘူးကိုခေါ်သွားတယ်။ တစ်နေ့က စပါးကျီတွေကောပါတယ်။ ရောင်းဟီးမှာ PDF အဖွဲ့ကအဲ့မှာနေထားတော့ အဲ့လိုထောက်ပံ့တဲ့ပုံစံဖြစ်တာပေါ့”​လို့ ဒေသခံတစ်ဦးကဆိုပါတယ်။ 

လက်ရှိအချိန်မှာ PDF တွေနဲ့ စစ်ကောင်စီတပ်တို့ စစ်ရေးတင်းမာနေပြီး စစ်ကောင်စီတပ်ဘက်က ရောင်းဟီးကျေးရွာနဲ့အနီးပတ်ဝန်းကျင်ကျေးရွာတွေမှာ တပ်စွဲထားတယ်လို့ သိရပါတယ်။ 

နေအိမ်မီးရှို့ခံရသူအပါအဝင် ဒေသခံတစ်ချို့လည်း ထွက်ပြေးတိမ်းရှောင်နေရတယ်လို့ သိရပါတယ်။ 

ဖောင်းပြင်မြို့နယ်အတွင်းမှာ PDF တွေနဲ့ စစ်ကောင်စီတပ်တွေ ထိတွေ့တိုက်ပွဲဖြစ်ပွားမှုသတင်းတွေမကြာခဏဖြစ်ပွားနေတာလည်းဖြစ်ပါတယ်။ 

Leave a Reply

Your email address will not be published.