ရှမ်းနီလူထုသတ်ဖြတ်ခံရမှုနဲ့သတင်းတုသတင်းယောင်များဖန်တီးနေမှုကို SNA သတိပေး 

ဇူလိုင် ၁၄ ၊ ဟုမ္မလင်း 

ရှမ်းနီလူထု သတ်ဖြတ်ခံနေရမှုနဲ့ သတင်းတု သတင်းမှား ဖန်တီးနေမှုကို SNA က သတိပေးထုတ်ပြန်ချက်တစ်ခု ဇူလိုင်လ ၁၄ ရက်နေ့ ရက်စွဲနဲ့ ထုတ်ပြန်ပါတယ်။ 

ထုတ်ပြန်ချက်ထဲမှာ ရှမ်းနီလူမျိုးတွေ သတ်ဖြတ်ခံနေရမှုကို ပြင်းထန်စွာရှုံ့ချထားပါတယ်။ 

ဒါ့အပြင်  ဒေသတွင်း တည်ငြိမ်အေးချမ်းရေးအတွက် နယ်မြေအလိုက်စစ်ဆင်ရေးတွေမှာလည်း ကိုယ်တိုင်စစ်ကြောင်းမှူးတွေ အပြင် ဒေသတွင်းရှမ်းနီအုပ်ချုပ်ရေးမှူးတွေနဲ့ ပူးပေါင်းဆောင်ရွက်နေတယ်ဆိုပြီး ထုတ်ပြန်ထားပါတယ်။ 

ရှမ်းနီအမျိုးသားများတပ်မတော် SNA က သမိုင်းကြောင်းဖြစ်တည်မှုနဲ့ ပြည်သူလူထုလိုအပ်ချက်တွေကြောင့် ပေါ်ပေါက်လာတဲ့ တပ်မတော်တစ်ခုဖြစ်ပြီး အခုအခါမှာ နှောက်ယှက်မှုပုံစံမျိုးစုံနဲ့ နည်းလမ်းပေါင်းစုံသုံးပြီး ထိုးနှက်တိုက်ခိုက်နေကြတယ်လို့ဆိုပါတယ်။ 

အခုအခါမှာ ပြည်သူလူထုတွေ ဝေဝါးစေမယ့် သတင်းတုသတင်းယောင်တွေ လုပ်ကြံဖန်တီးနေတာ ၊ မမှန်မကန်တဲ့ လုပ်ရပ်တွေကို လွဲချဖုံးဖိတာ တွေကို လုံးဝရပ်တန့်ဖို့ပြောဆိုထားပါတယ်။

ဒီတစ်ပတ်အတွင်းမှာပဲ ဖောင်းပြင်မြို့နယ် ဟာပါကျေးရွာတစ်ရွာတည်းက  ရှမ်းနီတိုင်းရင်းသားသုံးဦးအသတ်ခံရသတ်ဖြတ်ခံရမှုဖြစ်ပွားခဲ့ပါတယ်။ 

ဒါ့အပြင် ဒေသတွင်း PDFနဲ့ စစ်ကောင်စီ တိုက်ပွဲတွေမှာ SNA က စစ်ကောင်စီဘက်ကနေ ပါဝင်တယ်ဆိုတဲ့ ပြောဆိုမှုတွေက ကောလဟလတွေသာ ဖြစ်တယ်လို့ ပြောဆိုထားပါတယ်။

Leave a Reply

Your email address will not be published.