သင်ရိုးဟောင်းတက္ကသိုလ်ဝင်စာမေပွဲကို၂၀၂၃မှာနောက်ဆုံးအကြိမ်ကျင်းပမယ်

တက္ကသိုလ်ဝင်စာမေးပွဲ ဖြေဆိုပြီးပြန်ထွက်လာကြစဉ် Photo/ စာစစ်ဦးစီးဌာန

သင်ရိုးဟောင်း တက္ကသိုလ်ဝင်စာမေးပွဲကို ၂၀၂၃ ခုနှစ်မှာ နောက်ဆုံးအကြိမ် ကျင်းပမယ်လို့  မြန်မာနိုင်ငံစာစစ်ဦးစီးဌာနက ဇွန်လ ၁၈ ရက်နေ့မှာ ကြေညာခဲ့ပါတယ်။ 

ဇွန်လ ၁၇ ရက်နေ့မှာ သင်ရိုးဟောင်းရဲ့ တက္ကသိုလ်ဝင်စာမေးပွဲအောင်စာရင်းတွေကိုထုတ်ပြန်ရာ စာမေးပွဲဖြေဆိုသူ နှစ်သိန်းရှစ်သောင်းကျော်ရှိတဲ့အထဲမှာ တစ်သိန်းသုံးသောင်းကျော် အောင်မြင်ခဲ့တယ်လို့ စစ်ကောင်စီက ထုတ်ပြန်ပါတယ်။ 

နှစ်စဉ် ပျှမ်းမျှ တက္ကသိုလ်ဝင်တန်းကို လူရှစ်သိန်းနဲ့ ၁ သန်းကြားမှာ ဝင်ရောက်ဖြေဆိုခဲ့ကြတာလည်းဖြစ်ပြီး လွန်ခဲ့တဲ့နှစ်မှာတော့ ဖြေဆိုသူက ၃၀ ရာခိုင်နှုန်းသာရှိခဲ့တယ်လို့ ခန့်မှန်းရပါတယ်။ 

ကိုဗစ်ကပ်ရောဂါနဲ့ အာဏာသိမ်းမှုကြောင့် ၂၀၂၁-၂၀၂၂ ခုနှစ်ပညာသင်နှစ်မှာ ကျောင်းသူ/သား ၇၀ ရာခိုင်နှုန်းကျော်ခန့်က ကျောင်းမတက်ခဲ့ကြတာလည်းဖြစ်ပါတယ်။ 

ဒီနှစ် ၂၀၂၂ – ၂၀၂၃ ပညာသင်နှစ်မှာ ကျောင်းတက်နေတဲ့သူ ၅.၆ သန်းရှိပြီး တက္ကသိုလ်ဝင်တန်းကို တက်ရောက်နေတဲ့သူတွေရဲ့ အရေအတွက်ကိုတော့ မသိရှိရသေးပါဘူး။ 

စနစ်သစ်က ၁၂ တန်းထိ ပါရှိမှာဖြစ်ပြီး ကနဦး စစ်ကောင်စီပညာရေးထုတ်ပြန်ချက်အတွေအရ Grade 12 ကို ဗဟိုက စစ်ဆေးမှာဖြစ်တယ်လို့ ထုတ်ပြန်ထားပါတယ်။ 

စနစ်သစ်စာမေးပွဲတွေက ကျောင်းတွင်းစစ်စာမေးပွဲဖြေဆိုမှုအောင်မြင်ပြီး သင်ယူပြီးမြောက်ကြောင်းလက်မှတ်ရရှိမှာဖြစ်ပြီး အဲ့လက်မှတ်နဲ့ ကောလိပ် ၊ Institue တွေနဲ့ သက်ဆိုင်ရာ တက္ကသိုလ်တွေရဲ့ ဝင်ခွင့်ပြောဆိုရမှာလို့ ဆိုထားပါတယ်။ 

သင်ရိုးသစ်ဟာ ကမ္ဘာ့နိုင်ငံ အတော်များများမှာ ကျင့်သုံးနေတဲ့ပညာရေးစံနစ်တွေနဲ့ မြန်မာ့ပညာရေးကို ကိုက်ညီအောင် လုပ်ဆောင်ထားတာလို့ သင်ရိုးသစ်ရေးစဉ်ခဲ့စဉ်ခဲ့ပါဝင်ခဲ့သူတွေက ပြောဆိုထားကြပါတယ်။ 

Leave a Reply

Your email address will not be published.