စက်တင်ဘာ ၁၀ ၊ အင်းတော်ကြီး
အင်းတော်ကြီးဒေသတွင် ကိုဗစ်ကာကွယ်ဆေး နှစ်ကြိမ်ထိုးနှံထားသူတစ်ဦး ပြန်လည်ကူးစက်ခံရကြောင်းသိရသည်။
အင်းတော်ကြီး ဒေသ နမ့်မွန်းမြို့ နှင့် မိုင်းနောင်ကျေးရွာ တို့ရှိ ကိုဗစ်ကာကွယ်ဆေးထိုးနှံပြီးသူ Volunteer (စေတနာ့ဝန်ထမ်း) (၁၀) ဦးခန့် ကိုဗစ်ရောဂါပိုးကူးစက်နေကြောင်း ကူးစက်ခံရသူတစ်ဦးကဆိုသည်။
“ ကာကွယ်ဆေးနှစ်ကြိမ်ထိုးပြီးသာကျနော်ကကိုဗစ်ထိသာပဲ နည်းနည်းတော့ခံရပေါ့ စစချင်းလည်ချောင်းထဲယားလာ တယ် ကိုယ်ပူတယ် ညရောက်တော့ ချမ်းစိမ့်ဖျားတယ်ကျနော်က အိန္ဒိယဆေးထိုးထားသာ ” ဟု ကူးစက်ခံထားရသူတစ်ဦးကဆိုသည်။
၎င်းသည် လက်ရှိတိုင် ကိုဗစ်ရောဂါပိုးကူးစက်ခံထားရပြီး အနံ့ပျောက်နေဆဲဖြစ်သည်။
“ သူက လူနာထိတွေ့မှုလည်းများတာတစ်ပိုင်းပါတာလေ၊ လူနာပို့တာတို့ ၊ ပိုးတွေ့ပြီးသားကိုလည်း မီးသင်္ဂြိုလ်တာအထိလုပ်တာလေ” ဟု မိုင်းနောင်ကျေးရွာ ရပ်ဖိရပ်ဖတစ်ဦးကပြောသည်။
အင်းတော်ကြီးဒေသ တချို့သော သက်ကြီးရွယ်အိုများနှင့် Volunteer တချို့သည့် အာဏာသိမ်းပြီး တစ်လအကြာတွင် အိန္ဒိယနိုင်ငံထုတ် Covidshield ဆေးကိုထိုးနှံထားသည်။
ယခင်လက တရုတ်နိုင်ငံထုတ် ကာကွယ်ဆေးထိုးမှုတွင် အသက် (၆၅) နှစ်အထက် ၁၉၀ ဦး ၊ သံဃာတော် ၁၀ ပါး ၊ ပရဟိတအဖွဲ့ ၂၂၅ ဦး ၊ စျေးသည် ၅၀ ဦးတို့ထိုးနှံခဲ့ကြသည်။