၈လအတွင်းမှာစစ်ကောင်စီတပ်ဖွဲ့ဝင်သောင်းခြောက်ထောင့်ကျော်သေဆုံးလို့ NUG ထုတ်ပြန်

မေ၂၀ရန်ကုန်

၈ လတာကာလအတွင်းမှာ စစ်ကောင်စီနဲ့ တိုင်းရင်းသားလက်နက်ကိုင်အဖွဲ့တွေ၊ PDF တွေနဲ့  တိုက်ပွဲအကြိမ်ရေ ၄,၉၀၀ ကျော် ဖြစ်ပွားခဲ့ပြီး စစ်ကောင်စီတပ်ဖွဲ့ဝင် ၁၆,၇၉၁ ဦး သေဆုံးခဲ့တယ်လို့ NUG ရဲ့ ပြည်ထဲရေးနဲ့ လူဝင်မှုကြီးကြပ်ရေးဝန်ကြီးဌာန က မေလ ၁၉  ရက်နေ့မှာ ထုတ်ပြန်ပါတယ်။ 

NUG ပြည်သူ့ခုခံစစ်ကြေညာခဲ့တဲ့ ၂၀၂၁ ခုနှစ် စက်တင်ဘာလ ၇ ရက်နေ့ကနေ ၂၀၂၂ ခုနှစ် မေလ ၆ ရက်နေ့အထိ ရရှိထားတဲ့ အချက်အလက်တွေကို စုစည်းပြီး ပြန်လည်ထုတ်ပြန်တာဖြစ်တယ်လို့လည်းဆိုပါတယ်။ 

တိုက်ပွဲတွေကြောင့် ၂၀၂၂ ခုနှစ် ဇန်နဝါရီလထဲမှာ တိုက်ပွဲဖြစ်ပွားမှု အမြင့်ဆုံးဖြစ်ခဲ့ပြီး တိုက်ပွဲပေါင်း ၇၃၉ ပွဲ​ ၊​ဗုံးပေါက်ကွဲမှု ၃၃၂ ခုထိရှိပြီး စစ်ကောင်စီတပ်သားသေဆုံးမှု ၂၅၀၀ ကျော်အထိရှိတယ်လို့လည်းဆိုပါတယ်။ 

မြေပြင်အခြေအနေမှာတော့ စစ်ကောင်စီတပ်ဖွဲ့ဝင်တွေ သေဆုံးဒဏ်ရာရမှုဟာ ခုအရေအတွက် ထက် ပိုများနိုင်ပြီး မြန်မာပြည်အနှံ့ တိုက်ပွဲတွေအခြေအနေနဲ့ ပတ်သက်လို့ စစ်ကောင်စီ ဘက်က သတင်းထုတ်ပြန်တာ မရှိပါဘူး။

ဒီတိုက်ပွဲတွေက စစ်ကိုင်းတိုင်းထဲမှာ အမြင့်ဆုံးဖြစ်ပြီး စစ်ဘေးဒုက္ခသည်တွေလည်း သုံးသိန်းနီးပါးထိရှိလာခဲ့တာလည်းဖြစ်ပြီး တစ်နိုင်ငံလုံးအတိုင်းအတာနဲ့ အာဏာသိမ်းပြီးတဲ့နောက် စစ််ဘေးတိမ်းရှောင်ရသူ ၆ သိန်းနီးပါးရှိနေပြီလည်းဖြစ်တယ်လို့ UNOCHA ရဲ့ သတင်းထုတ်ပြန်မှုအရသိရပါတယ်။​

စစ်ကောင်စီတပ်တွေကို တော်လှန်တိုက်ခိုက်ဖို့အတွက် အနောက်နိုင်ငံတွေကို NUG က လက်နက်ထောက်ပံ့ပေးဖို့ တောင်းဆိုမှုတစ်ရပ်ကိုလည်း ဒီရက်ပိုင်းမှာပြုလုပ်ခဲ့ပါသေးတယ်။ 

Leave a Reply

Your email address will not be published.