ဇွန်၁၅ ၊ မြစ်ကြီးနား
မြစ်ကြီးနားမြို့က မန်ခိန်အခြေခံပညာအထက်တန်းကျောင်းက ကျောင်းဆောင်တစ်ခု ဇွန်လ ၁၅ ရက်နေ့ မနက် ၂ နာရီအချိန်မှာ မီးလောင်မှုကြောင့် အဆောင်တစ်ခုလုံး မီးလောင်ပြာကျခဲ့တယ်လို့ ဒေသခံတွေဆီကနေ သိရပါတယ်။
မြစ်ကြီးနားမြို့နယ်မီးသတ်တပ်ဖွဲ့ကလည်း ဒီမီးလောင်မှုကို ရှို့မီးလို့ပြောဆိုထားတာလည်းဖြစ်ပါတယ်။
“ ကျွန်တော်အတိအကျတော့မသိဘူး ၊ ကျွန်တော်ထင်တာကတော့ အရှို့ခံရတယ်လို့ပဲထင်တယ်” နယ်မြေခံတစ်ဦးကဆိုပါတယ်။
ဒီကျောင်းက နှစ်စဉ်စာသင်ကြားသူ ဦးရေ ထောင့်ခြောက်ရာကျော်ရှိတဲ့ကျောင်းတစ်ခုဖြစ်တယ်လို့လည်း သိရပါတယ်။
ဒီနှစ်ကျောင်းဖွင့်တဲ့ ရာသီမှာ ကျောင်းတချို့ မိုင်းခွဲတိုက်ခိုက်ခံရမှု ၊ ကျောင်းမဖွင့်ဖို့ ခြိမ်းခြောက်ခံရမှုအပါအဝင် မီးရှို့ခံရမှုတွေကလည်း ဖြစ်ပွားနေဆဲဖြစ်ပါတယ်။